Bismarck
Alministración
País	Estaos Xuníos
Estaos	Dakota del Norte
Condáu	condáu de Burleigh
Tipu d'entidá	ciudá de los Estaos Xuníos
Cabezaleru/a del gobiernu	Mike Schmitz (en)
Códigu postal	58501–58507
Xeografía
Coordenaes	46°48′30″N 100°47′02″W / 46.80833°N 100.78375°O / 46.80833; -100.78375
Bismarck Bismarck (los EE.XX.)
Superficie	87.381746 km²
Altitú	514 m
Llenda con	Mandan (Dakota del Norte)
Demografía
Población	73 622 hab. (1r abril 2020)
Porcentaxe	100% de condáu de Burleigh 9.45% de Dakota del Norte 0.02% de Estaos Xuníos
Densidá	842,53 hab/km²
Viviendes	31 739 (2020)
Más información
Fundación	1872
Prefixu telefónicu	701
Estaya horaria	Hora Estándar Central
bismarcknd.gov

Bismarck ye la capital del estáu de Dakota del Norte, nos Estaos Xuníos, y sé alministrativa del condáu de Burleigh. Ye, dempués de Fargo, la segunda ciudá más poblada del estáu. La so población estimada, en 2015, yera de 71.167 habitantes^[1]. La ciudá figuró nel séptimu llugar nel ránking de la revista Forbes que recoyía les pequeñes ciudaes con crecimientu más rápidu del país.

La ciudá foi fundada en 1872, y ye la capital del estáu dende 1883, cuando yera tovía el Dakota Territory (Territoriu de Dakota), que había ser almitíu como estáu en 1889.

Bismarck asítiase na oriella izquierda del ríu Missouri, xusto de frente de la ciudá de Mandan. Les dos ciudaes formen el nucleu del área metropolitana de la ciudá. L'edificiu más importante, y de mayor altor de la ciudá, ye'l capitoliu estatal, asitiáu nel centru de la ciudá. Ellí tien la so sé'l gobiernu del estáu, que ye'l segundu mayor emplegador de la ciudá. Nel so calter de centru comercial y de servicios de salú, Bismarck ye'l centru económicu de la fastera meridional de Dakota del Norte y de la septentrional de Dakota del Sur.

Referencies

• Wikimedia Commons tien conteníu multimedia tocante a Bismarck (Dakota del Norte).