El Gran Resgón o Teoría del espardimientu eternu, denomáu n'inglés Big Rip, ye una hipótesis cosmolóxica sobro'l destín caberu del Universu.
El busilis d'esta hipótesis ta na cantidá d'enerxía escuro nel Universu. Si l'Universu caltién suficiente enerxía escuro, podría acabar nun estrizamientu de tola materia.
El valor clave ye w, la rellación ente la presión de la enerxía escuro y la so densidá enerxética. A un valor de w < -1, l'Universu acabaría por ser estrizáu. Primero, les galaxes separtaríense ente sí, llueu la gravedá sería abondo enxencle pa caltener xunía cada galaxa. Aproximadamente tres meses enantes del fin, los sistemes solares perderíen la so cohesión gravitatoria. Nos caberos minutos, desaniciaríense les estrelles y planetes, y los átomos seríen afaraos nuna fraición de segundu enantes del fin del tiempu.
A desemeyanza del "Big Crunch", nel que too s'adensa nun solu puntu, nel "Big Rip", l'Universu convertiríase en partícules subatómiques flotantes que permaneceríen pa siempres separtaes, ensin cohesión gravitatoria nin enerxía dalguna.
Los autores d'esta hipótesis calculen que'l fin del Universu, tal y como lu conocemos, asocedería aproximao 3,5 × 1010 años (35.000 millones d'años) dempués del Big Bang, o seya, dientro de 2,0 × 1010 años (20.000 millones d'años).
Ver tamién
- Big Bang
- Big Crunch
- Aceleración de la espansión del Universu
- Cronoloxía del Universu hasta l'home
- Destín caberu del Universu
Referencies
Enllaces esternos
- Caldwell, Robert R., Kamionkowski, Marc y Weinberg, Nevin N. [http://www.arxiv.org/PS_cache/astro-ph/pdf/0302/0302506.pdf "Phantom Energy and Cosmic Doomsday" (n'inglés)
- Overbye, Dennis El Big Rip (castellán)
- Carletti, Eduardo J., La enerxía pantasma (castellán)
