Benjamin Bratt
Vida
Nacimientu	San Francisco[1], 16 d'avientu de 1963[2] (60 años)
Nacionalidá	Estaos Xuníos
Familia
Casáu con	Talisa Sotu (2002 – )
Pareyes	Julia Roberts
Fíos/es	Sophia Bratt
Estudios
Estudios	Universidá de California en Santa Bárbara Lowell High School (en)
Llingües falaes	inglés[3]
Oficiu	actor, actor de cine, actor de televisión, actor de voz, productor de cine
IMDb	nm0000973

Benjamin Bratt (16 d'avientu de 1963, San Francisco) ye un actor, actor de cine, actor de televisión, actor de voz y productor de cine d'Estaos Xuníos. Ye ganador del Premiu del Sindicatu d'Actores al meyor repartu y candidatu a un Emmy.^[4] Conocíu poles sos intervenciones en películes como Miss Congeniality (2000), Traffic (2000), Catwoman (2004) y la serie de televisión Law and Order (1995-2009).

Biografía

Benjamin Bratt nació en San Francisco, California, fíu de Eldy Bratt, enfermera, y de Peter Bratt, obreru.^[5] El so padre yera d'Estaos Xuníos d'ascendencia alemana ya inglesa y la so madre, una activista peruana d'ascendencia mestiza (blancu y quechua) que se treslladó a los EE.XX., a la edá de 14 años. El güelu paternu de Bratt, George Cleveland Bratt, foi actor de Broadway.

Cuando yera neñu la madre de Bratt llevó, xunto colos sos hermanos, al actor a participar nel 1970 Native American ocupación d'Alcatraz.^[6] Bratt güei ye un activu defensor de causes de los indios americanos, ye miembru del American Indian College Fund, y va siguir siendo, una innovador mini-serie de provocación y de proyeuto multimedia, narrada por Bratt, qu'establez la hestoria nativa como una parte esencial de la hestoria americana de l'aclamada serie de PBS American Experience.^[6] Estudió en San Francisco, ingresó a la Lowell High School, onde desenvolvió les sos habilidaes interpretatives y foi miembru de la Sociedá Forense Lowell. Bratt llogró un B.F.A. na Universidá de California, Santa Bárbara, onde tamién se suman a la fraternidá Lambda Chi Alfa.^[6]

Carrera

Tres numersosas intervenciones en películes y series de televisión, Benjamin Bratt atopó los sos primeros papeles destacaos nes películes Blood in, Blood Out (1993), Demolition Man (1993) xunto a Sylvester Stallone y una curtia participación nel thriller The River Wild (1994), protagonizáu por Meryl Streep y Kevin Bacon. Na década de los 2000 estrenó numberoses películes, como Red Planet (2000) na que compartía cartelu con Val Kilmer o Carrie-Anne Moss y que foi un estrueldosu fracasu de taquilla y les esitoses Miss Congeniality (2000) con Sandra Bullock y Michael Caine que recaldó más de 200 millones de dólares en tol planeta.^[7][8] Dempués vieno'l thriller Traffic (2000) nel que faía una curtia intervención, la cinta taba protagonizada por Michael Douglas, Catherine Zeta-Jones y Don Cheadle, el repartu ganó'l Premiu del Sindicatu d'Actores al meyor repartu, amás el filme foi gallardoniáu con cuatro Óscar, incluyendo'l Óscar al meyor direutor.^[4][9]

Dempués participaría en Abandon (2002), xunto a Katie Holmes, nel drama The Woodsman (2004) empobináu por Kevin Bacon y na superproducción Catwoman (2004) na que compartía cartelu con Halle Berry, la cinta foi un absolutu fracasu de taquilla y supúnxo-y una nueva candidatura al Razzie, tres la llograda con The Next Best Thing (2000) que protagonizó con Madonna y Rupert Everett.^[4] Más tarde llegaríen trabayos Thumbsucker (2005) o The Great Raid (2005) o emprestar la voz al personaxe de Manny na película d'animación Cloudy with a Chance of Meatballs (2009) y siguir cola so participación na serie de televisión Law and Order que-y supunxo una candidatura al Primetime Emmy al meyor actor de repartu - Serie dramática.^[10][4]

Vida privada

En 1998 empezó a salir con Julia Roberts, a la qu'acompañó'l 25 de marzu de 2001 a la ceremonia de los Óscar, na cual Julia Roberts ganó dichu premiu na categoría d'Óscar a la meyor actriz. Tres meses más tarde, en xunu, dixebráronse definitivamente.^[11] Menos d'un añu más tarde de la so separación de la estrella, casóse cola so novia embarazada, l'actriz Talisa Soto, el 13 d'abril de 2002, en San Francisco.^[6] Dambos conociéronse nel filme Piñero (2001). El so primer fíu foi Sophia Rosalinda Bratt, que nació'l 6 d'avientu de 2002; el so segundu fíu ye Mateo Bravery Bratt, nacíu'l 3 d'ochobre de 2005, en Los Angeles. Anguaño la familia vive en San Francisco, California.^[6]

Filmografía

Premios

Referencies

Enllaces esternos

• Benjamin Bratt na Internet Movie Database (n'inglés)
• Benjamin Bratt en Box Office Mojo (n'inglés)

masd

• Wikimedia Commons acueye conteníu multimedia sobre Benjamin Bratt .