Benin City
Alministración
PaísBandera de Nixeria Nixeria
Estáu federáu Edo (es) Traducir
Tipu d'entidá ciudá
Xeografía
Coordenaes 6°19′03″N 5°36′52″E / 6.3176°N 5.6145°E / 6.3176; 5.6145
Benin City alcuéntrase en Nixeria
Benin City
Benin City
Benin City (Nixeria)
Superficie 1204 km²
Altitú 80 m
Demografía
Población 1 147 188 hab. (2006)
Porcentaxe 100% de Edo (es) Traducir
0.54% de Nixeria
Densidá 952,81 hab/km²
Más información
Fundación 1899 (Xulianu)
Estaya horaria UTC+01:00
Cambiar los datos en Wikidata

Benin City ye una ciudá de Nixeria, capital y mayor ciudá del estáu d'Edo. Ye, acordies col censu de 2006, la cuarta mayor ciudá del país tres Lagos, Kano ya Ibadán, con una población estimada, en 2022[1], de 3.500.000 habitantes. Asítiase a unos 40 km al norte del ríu Benín y a unos 320 km (per carretera) al este de Lagos. La ciudá ye'l centru de la industria del cauchu del país, y la estracción de petroleu ye tamién importante nella[2].

La ciudá yera'l principal asentamientu del Reinu Edo de Benín, que floreció ente los sieglos XIII y XIX. Caltuvo importantes rellaciones comerciales con Portugal los sieglos anteriores a la conquista, saquéu ya quema que sufrió de manes de los británicos en 1897. Munches de les escultures de bronce del palaciu de la ciudá, que reciben el nome colectivu de Bronces de Benín, foron robaes polos británicos, que dempués de la so victoria sobre'l reinu Edo colonizaron la zona, incorporándola a la so colonia de Nixeria.

La población nativa de la ciudá son los Edo (o Benin), que falen en llingua edo, tamién nomada llingua bini. Esti grupu étnicu tien una de les vestimentes más riques y variaes de tol continente; rescamplen los sos abalorios, tatuaxes, pulseres de muñeca y todiyu y tamién los sos oxetos fechos de rafia. La so dedicación económica principal ye l'agricultura de subsistencia, con cultivos de ñame, banana y mandioca[3].

Referencies

  1. ↑ «Benin City | History & Facts» (inglés). Consultáu'l 2020-05-31.
  2. ↑ «International Rubber Study Group - Nigeria». Consultáu'l 2020-05-31.
  3. ↑ Benin, City, Nigeria, Archived 25 abril 2007 at the Wayback Machine The Columbia Encyclopedia, Sixth Edition. 2005 Columbia University Press. Retrieved 18 February 2007

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.