Barney Phillips
Vida
Nacimientu	Saint Louis, 20 d'ochobre de 1913[1]
Nacionalidá	Estaos Xuníos
Llingua materna	inglés
Muerte	Los Angeles, 17 d'agostu de 1982[1] (68 años)
Causa de la muerte	cáncanu
Estudios
Llingües falaes	inglés
Oficiu	actor, actor de televisión, actor de voz, actor de cine
IMDb	nm0680237

Barney Phillips (20 d'ochobre de 1913, Saint Louis – 17 d'agostu de 1982, Los Angeles) foi un actor radiofónicu, cinematográficu y televisivu d'Estaos Xuníos.

Biografía

El so verdaderu nome yera Bernard Philip Ofner, y nació en Saint Louis, Missouri, siendo los sos padres Harry Nathan Ofner, vendedor de productos del cueru, y Leona Frank Ofner, d'orixe alemán.^[2] Phillips creció y educóse en Saint Louis, camudándose a Los Angeles, California, en graduándose nel college en 1935.

Comenenciudu na interpretación, consiguió un pequeñu papel nun western de serie B de producción independiente, Black Aces (1937), anque la so carrera artística nun desapegaba. Entós Phillips decidió apuntase nel Exércitu de los Estaos Xuníos en xunetu de 1941 col so nome verdaderu,^[3] sirviendo nel Signal Corps mientres la Segunda Guerra Mundial.

Tres la guerra, Phillips fixo pequeñes actuaciones en dellos filmes dende 1949 a 1952, tou ello enantes de llograr un papel regular na versión televisiva emitida pola NBC de la serie Dragnet, el del Sarxentu Ed Jacobs. Amás fixo'l papel recurrente de Hamilton J. Finger nel programa radiofónicu de Frank Sinatra Rocky Fortune en 1953 y 1954.^[4] Nos años 1950 y 1960 foi un prolíficu actor de calter, tantu nel cine como na televisión. En 1955 foi Mr. Jamison nel episodiu de I Love Lucy Ricky's European Booking, y tuvo papeles menores en dos episodios de Perry Mason. Na temporada televisiva 1959-1960 Phillips foi'l teniente de policía Geller na serie Johnny Midnight, protagonizada por Edmond O'Brien. Na siguiente temporada, Phillips foi otru teniente de policía, Avery, en siete episodios de The Brothers Brannagan, serie na qu'actuaben Stephen Dunne y Mark Roberts.

Otres de les producciones televisives nes cualos intervieno fueron Andy Griffith Show, Twelve O'Clock High (1964–67, como actor regular) y The Betty White Show (1977–78). Sicasí, el so papel más conocíu ye probablemente'l que fizo nel episodiu de Dimensión Desconocida "Will the Real Martian Please Stand Up?".

Amás de les sos actuaciones en series de TV, Phillips intervieno de volao nel famosu comercial de pizza Totino's creáu por Stan Freberg. Phillips siguió actuando en televisión tamién nos años 1970.

Barney Phillips finó en Los Angeles, California, en 1982, por causa de un cáncer.

Seleición de la so filmografía

• Black Aces (1937)
• The Judge (1949)
• Little Egypt (1951)
• My Six Convicts (1952)
• Down Among the Sheltering Palms (1952)
• Has Anybody Seen My Gal? (1952)
• Ruby Gentry (1952)
• Eight Iron Men (1952)
• A Blueprint for Murder (1953)
• The True Story of Jesse James (1957)
• I Was a Teenage Werewolf (1957)
• Cry Terror! (1958)
• The Sand Pebbles (1966)
• Non Deposit, Non Return (1976)

Trabayu televisivu (parcial)

• Dragnet
• I Love Lucy: "Ricky's European Booking" (1955)
• The Adventures of Ozzie and Harriet (1957–58)
• Peter Gunn: "The Blind Pianist" (1958)
• Hawaiian Eye: "I Wed Three Wives" (1960)
• Dimensión Desconocida: "The Purple Testament" (1960)
• Dimensión Desconocida: "A Thing about Machines" (1960)
• Dimensión Desconocida: "Will the Real Martian Please Stand Up?" (1961)
• Dimensión Desconocida: "Miniature" (1963)
• "The Andy Griffith Show": "Barney Gets His Man" (1961)
• "The Dick Van Dyke Show": "The Cat Burglar" (1962)
• "The Three Musketeers"
• Twelve O'Clock High
• Shazzan
• Adam 12
• Cannon
• The Betty White Show (1977)

Referencies

• Esta obra remanez de la traducción de Barney Phillips de Wikipedia - inglés, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

Enllaces esternos

• Barney Phillips na Internet Movie Database (n'inglés)