Barón Rojo

Barón Rojo
	; Barón Rojo en Madrid, 2010
Datos xenerales
Orixe	Madrid, España
Información artística
Xéneru(os)	Heavy metal, Hard rock
Periodu d'actividá	1980-
Sellu discográficu	Chapa, Serdisco, Avispa, Clave Records, Zero, Santo Grial
Miembros
	Armando de Castro
Enllaces esternos
Sitiu web oficial	http://www.baronrojo.net
Discogs	514676
Facebook	baronrojo
	[editar datos en Wikidata]

Barón Rojo ye un grupu español de hard rock y heavy metal, formáu en 1980, y llamáu asina n'homenaxe al aviador alemán Manfred von Richthofen, conocíu como Barón Colloráu.

Historia

La banda nació de la unión de cuatro músicos: los hermanos Carlos y Armando De Castro (guitarres), ex-miembros del grupu Coz, el cantante y baxista José Luis Campuzano y el percusionista uruguayu Hermes Calabria, fundadores del grupu en 1980. En 2012, la revista Rolling Stone calificó a Barón Rojo como la 18ª meyor banda del rock español. Los sos álbumes "Volumen brutal" y "Metalmorfosis" fueron incluyíos pola revista musical Al Borde na llista de los 250 meyores de tolos tiempos como'l 17º y 107º meyores álbumes del rock n'español, respeutivamente.

A lo llargo de la década del 80 -la dómina más creativa de la banda- publicaron los sos discos más recordaos, llanzaos por Chapa Discos, los que quedaron como clásicos del Heavy metal n'español: "Larga vida al rock and roll" (1981), "Volumen brutal" (1982), "Metalmorfosis" (1983), "Barón al rojo vivo" (1984) y "En un lugar de la marcha" (1985).

A finales de 1989, José Luis Campuzano y Hermes Calabria abandonen la formación, pero los hermanos De Castro deciden siguir cola banda y esperimentar con diverses formaciones, como la que llevó a Barón Rojo a tar integráu por cinco componentes, al xuníse-yos Pepe Bao al baxu (conocíu per bandes como Manzano y, más palantre, O'funk'illo), José Antonio Nozal "Ramakhan" a la batería (de Tritón), y Maxi González (tamién de Tritón) como voz solista.

El primer álbum de Barón Rojo na década de los noventa, ye "Desafío", álbum producíu por Carlos De Castro p'Avispa. Foi grabáu nos estudios M-20 de Madrid mientres xineru de 1992. Nesti álbum la formación taba compuesta polos hermanos Carlos y Armando De Castro, José Antonio Nozal "Ramakhan" na batería y Niko del Hierro al baxu. A pesar de ser un discu de gran calidá, con temes como'l clásicu "Te espero en el infierno", nun llogró un gran ésitu por cuenta de los malos tiempos que corría'l xéneru.

Dempués d'esti trabayu y con nueva casa discográfica en 1997, apúrrennos el so nuevu álbum "Arma secreta", que foi grabáu y producíu por Carlos De Castro pa Clave Records, nos estudios Kilociclo de Madrid mientres l'añu 1996, con un soníu más básicu y más duru, que va preparar al Barón Rojo del nuevu mileniu.

Nuevu mileniu

Nel añu 2001 el grupu entra nel nuevu mileniu col álbum "20+" n'alusión a la esistencia de la banda por más de 20 años. Esti álbum foi producíu por V. M. Arias pa Zero Records, y grabáu nos estudios Oasis de Madrid mientres avientu de 2000 y xineru de 2001. Nesti trabayu atopamos un Barón Rojo qu'ensin cobardura inclúi instrumentos de vientu nos sos arreglos, l'evidente usu de saxofón, trombón ya inclusive trompetes, trescála-y un soníu bien particular a esti álbum. Nesti discu incluyóse un videu-clip multimedia del senciellu "Fronteras".

Dempués d'un discu en direuto ("Barón en Aqualung"), en xunu de 2003 sale a la venta l'álbum de versiones tituláu "Perversiones", grabáu nos estudios Oasis de Madrid mientres los meses de marzu, abril y mayu de 2003, y producíu por José Miguel Ros y Carlos Rufo pa Zero Records. Esti álbum inclúi versiones de les bandes que son consideraes poles sos mesmos integrantes como influyencies na carrera musical de los Barón Rojo, como Black Sabbath, Deep Purple, y Jimi Hendrix ente otros. En 2005 ye espulsáu del grupu el percusionista Val Rodríguez, que va ser sustituyíu pol anterior batería del grupu, José Martos. A finales de 2006 ye editáu "Ultimasmentes", con un soníu más conservador y clásicu que "20+" y "Arma secreta", que cunta cola particularidá de tener un cantar compuestu y cantao pol baxista Ángel Arias, "Nada que hablar", y unu compuestu por José Martos, "El porvenir, un castigo".

En febreru de 2009 confirmaron la so participación nel Festival Metalway de Zaragoza, que se produció'l 20 de xunu de 2009, con una xunta especial na que participaron los cuatro miembros orixinales del grupu: Carlos y Armando De Castro, Hermes Calabria y José Luis "Sherpa" Campuzano. Este mesmu añu publicaron el discu en direuto "En clave de rock", y en 2012 apaez un discu doble, "Tommy Barón", recreación llibre y n'español del clásicu "Tommy" de The Who.

Discografía

Álbumes n'estudiu

Larga vida al rock and roll - 1981
Volumen brutal - 1982
Metalmorfosis - 1983
En un lugar de la marcha - 1985
Tierra de nadie - 1987
No va más - 1988
Obstinato - 1989
Desafío - 1992
Arma secreta - 1997
20+ - 2001
Perversiones - 2003
Ultimasmentes - 2006
Tommy Barón - 2012

Álbumes en vivu

Barón al rojo vivo - 1984
Siempre estáis ellí - 1986
Barón en Aqualung - 2001
Desde Barón a Bilbao - 2007 (DVD y 2 CD)
En clave de rock - 2009

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.