Banzáu de La Barca

Banzáu de La Barca
	banzáu
Llocalización
País	España
Autonomía	Principáu d'Asturies
Coordenaes	43°19′19″N 6°18′10″W / 43.32194°N 6.30278°O
Altitú	211 m
Historia y usu
Apertura	1966
Llargor	178 m

El banzáu de la Barca ye un banzáu nel ríu Narcea ente los conceyos de Tinéu y Miranda, n'Asturies, qu'abastez a la central hidroeléctrica de La Barca.

Tien un llargor de 15 km aproximao tando la compuerta allugada na llende ente Tinéu y Salas y el so rabu en Soto de la Barca. La so superficie ye de 194 ha, con una capacidá máxima de 34 hm³. Pa la construcción del banzáu foi necesariu anubrir el pueblu de Bebares, nel qu'había cuarenta cases, ente qu'anguaño namái hai cinco ente les que s'atopa'l chigre. Cerca d'esti banzáu tán delles mines de la empresa Caolines de Merías. Esti banzáu ye bien peligrosu una y bones la carretera AS-15 va percima d'él, llegando en dellos casos a esfregar l'altor de 100 m ente'l banzáu y la carretera; yá habíu munchos accidentes nesti trechu de la carretera más qu'en nengún otru, dalgunos d'ellos inclusive con muertos.

Medioambientalmente, supón una barrera física infrayable pa les especies autóctones qu'habiten el ríu, especialmente pal Salmón, lo qu'amenorga sensiblemente'l númberu d'exemplares al trate afectáu'l so ciclu vital nel so remonte escontra les agües montascoses y osixenaes pa la so reproducción.

Ver tamién

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.