Banshee
Información
Sexu	femenín
Conexones	Mitología irlandesa (es) y Ciclo mitológico (es)
[editar datos en Wikidata]

Les banshees (del gaélicu bean sí/('bænʃiː), ello quier dicir "muyer de los sucos") formen parte del folclor irlandés dende'l sieglu VIII. Trátase d'unes criatures que, cunten les lleendes, que se-yos apaecen a un irlandés enantes de morrer dalgún pariente cercanu. Formen parte de la familia de les fades.

Nun son criatures malvaes nin dañines, anque sos inquietantes glayíos les fai apaecer abondo pantasmagoriques. El rasgu físicu más distintivu son los güeyos, que tórnense-yos d'un color encarnáu encesu tres sieglos de llorar por quienes amaron y polos que guardaron llutu. Suel describíse-yos como muyeres altes y estremadamente delgaes, con una manta flotante de guedeyes blanques, un vistíu verde y una manta buxa con capiella. Anque dacuando puen apaecer baxu la forma d'una vieyina melguera o d'una fermosa rapaza de cabellos doraos vistida de roxo.

Cada banshee dedicábase únicamente a una de les grandes families irlandeses, a les que sirvíen demientres sieglos y sieglos, inda namás apaecen cuando un miembru de la familia ta al cabu morrer.

A la fin díxose que les banshees amosaben so respetu haza los difuntos berrando llastimeramente baxo la ventana del moribundu, a vegaes esnalando polos aires hasta dellos pisos d'altor pa poder facelu.

Les banshees tamién puen permanecer a cierta distancia, una figura solitaria que mos anuncia la muerte pasiando polos sucos qu'arrodien les cases de les families o sentada sobro una muria de piedra. A vegaes nun ye visible, pero los sos glayíos penetrantes nun dexen llugar a dubies respeutu a so presencia.

Referencies

Enllaces esternos