| ||||||||||||||||||||||||
| ||||||||||||||||||||||||
.svg.png.webp)
La bandera d'Andalucía, según defínese nel artículu 3.1 del Estatutu d'Autonomía d'Andalucía,[1]
... ye la tradicional formada por trés franxes horizontales —verde, blanca y verde— d'igual anchor, tal como foi aprobada na Asamblea de Ronda de 1918.
Regúlase una versión institucional na Llei 3/1982, de 21 d'avientu (BOJA nᵘ 1, de 4 de xineru de 1983), qu'indica, nel so Artículu 3º
... L'escudu d'Andalucía va haber de figurar en: 1. Les banderes d'Andalucía que ondeen nel esterior o s'esiban nel interior de les sedes de los órganos estatutarios de la Comunidá Andaluza.
Y especifícase el formatu d'escudu na bandera por aciu el Decretu 213/1983, de 19 d'ochobre (BOJA nᵘ 89, de 8 de payares), nel so Artículu 1º
... L'escudu d'Andalucía va haber de figurar na bandera d'Andalucía, en dambes cares y nel so centru, y va tener un altor de dos quintos del anchor de la bandera.
Historia
La primer referencia escrita que se caltién de daqué paecíu a la bandera d'Andalucía, con una estructura realmente similar a la que se tien güei, ye la famosa del reináu d'Al Mutasim de la taifa d'Almería del añu 1051 d. C. Sicasí, aquella yera una enseña d'una taifa bien alcontrada xeográficamente, polo que nun se puede considerar como una bandera pa toa Andalucía.
Venceyos históricos
Blas Infante escribió que la idea de la bandera andaluza suxurir una manifestación reivindicativa de les muyeres de Casares que portaben una bandera verde y blancu, en dos franxes horizontales. A pesar d'ello xustificó la eleición de los colores verde y blancu pa la bandera d'Andalucía atendiendo a delles referencies históriques sobre'l so usu n'Andalucía.
Según Infante, en 1195, tres la victoria almohade na batalla de Alarcos, sobre'l minarete de la mezquita mayor de Sevilla ondeó una enseña verde (color del islam) xunto a otra blanca pa celebrar la victoria.
Coles mesmes esiste una lleenda según la cual un santón que predicaba nos pueblos del Atles tuvo una visión na qu'un ánxel revelába-y un imperiu xuníu a les veres del Estrechu de Xibraltar, col verde paraísu d'Al-Ándalus y el blancu Magreb de los almohades, lleenda probablemente inspirada pola visión de los dos estandartes sobre'l minarete (Ramos 1987).
Amás esiste un poema d'Abu Asbag Ibn Arqam, poeta natural de Guadix y visir del rei Almotacín de la taifa d'Almería, que menta una bandera verdiblanca que ondeaba na Alcazaba d'Almería nel añu 1051, d'esta miente:
Una verde bandera
que se fixo de l'aurora blanca una petrina,
al concedete un espíritu triunfante.
esplega sobre ti una ala de delicia,
qu'ella te asegure la felicidá
[ensin referencies]
Per otru llau, anque l'estandarte del reinu nazarí de Granada yera coloráu, de los ventidós estandartes tomaos pol Conde de Cabra a Boabdil en 1483, dieciocho ostentaben los colores verde y blancu. Coles mesmes verde foi l'estandarte que los Reis Católicos dieron en Granada a les Guardias Vieyes de Castiella.[ensin referencies]
En 1521, el pueblu de Sevilla, remontáu contra la carestía d'alimentos, percorrió les cais precedíu por un estandarte verde tomáu a los moros por Alfonsu X, y que se curiaba na ilesia del Omnium Sanctorum, episodiu conocíu como'l Motín del pendón verde (Ramos 1987).
Mientres la Combalechadura del duque de Medina Sidonia en 1641, una bandera partida verticalmente de verde y blancu foi la señal de l'alianza ente'l Duque de Medina-Sidonia colos moriscos d'Al-Hörr, que s'alzaríen en Andalucía Oriental[ensin referencies].
Intereses
La bandera d'Andalucía guarda semeyanza cola bandera del departamentu de Santa Cruz, en Bolivia, tamién la de Rotterdam, cola del departamentu colombianu del Cesar y cola bandera de la ciudá de Los Angeles (Chile). Tamién ye verticalmente como la de Nixeria, Bandera de Rodesia (actual Zimbabue) y el territoriu australianu de la Islla Norfolk.
El so códigu RGB ye:
- Verde Omeya/Botella= 00-80-00
- Blancu= 255-255-255
Extraoficialmente, los nacionalistes andaluces denominen a la bandera andaluza como "Arbonaida", que significaría "blanca y verde" en llingua mozárabe.[ensin referencies]
Bibliografía
- Varios autor (1979). Gran enciclopedia d'Andalucía. Sevilla: Promociones Culturales Andaluces. ISBN 84-85622-00-6.
- Erbez, José Manuel (1999). «Los colores d'Andalucía: orixe y significáu de la bandera andaluza». Escaparate (xunu).
- Ramos Romero, Marcos (1987). «Una bandera p'Andalucía», XI Congresu Internacional de Vexiloloxía (Madrid, 26-31 de mayu de 1985). Madrid: Sociedá Española de Vexiloloxía. ISBN 84-404-0109-4.
Ver tamién
- Bandera nacionalista andaluza
- Escudu d'Andalucía
- Pendón de San Fernando
Referencies
Enllaces esternos
Wikimedia Commons acueye conteníu multimedia sobre Bandera d'Andalucía.
- Estatutu d'Autonomía d'Andalucía en Wikisource
- Símbolos d'Andalucía - Xunta d'Andalucía
| Control d'autoridaes |
|
|---|
Datos: Q760401- Multimedia: Flags of Andalusia