| Bakassi | |
|---|---|
 | |
| Alministración | |
| País |  Camerún |
| Rexón | [[d:Special:EntityPage/Q607499|{{{2}}} |
| Tipu d'entidá | península |
| Xeografía | |
| Coordenaes | 4°35′00″N 8°36′00″E / 4.5833333333333°N 8.6°E |
| Altitú media | 9 m |
| Demografía | |
 | |
Bakassi ye una península de la República del Camerún, na costa atlántica d'África. Ta parcialmente alministrada por Nixeria qu'acordó tresferila a la soberanía camerunesa por sentencia de la Corte Internacional de Xusticia.
Xeografía y economía
La península ta allugada ente les llatitúes 4°25' y 5°10'N, y les llonxitúes 8°20' y 9°08'E. Consiste nuna serie d'islles cubiertes de manglares, sumando un área total de 665 km². La población ye d'ente 150.000 y 300.000 persones.
Bakassi ta asitiada nel estremu oriental del Golfu de Guinea. La combinación de dos corrientes marines, una caldia (Corriente de Guinea, o n'Efik, Aya Efiat) y una fría (Corriente de Benguela, o n'Efik, Aya Ubenekang) crea una bayurosa vida marina, que ye al empar la principal fonte d'ingresos de los más de los sos habitantes.
Espérase que, pola so llocalización xeográfica, Bakassi tenga depósitos de petroleu, anque tovía nun se tenga descubierto nengún depósitu que seya vidable económicamente.
Historia
El pueblu oroko del Camerún (ndian) ye la población aborixe de Bakassi. A mediaos de la década de 1880, esploradores alemanes foron los primeros en navegar al traviés del ríu Akwayife. En consecuencia, Bakassi formó parte de la colonia alemana (francesa tres la Primer Guerra Mundial) del Camerún. Demientres la guerra de Biafra, numberosos nixerianos fuxendo de la guerra estableciéronse en Bakassi. En 1994, el presidente nixerianu Sani Abacha mandó al so exércitu a Bakassi. Camerún mandó'l confliutu a la Corte Internacional de Xusticia de L'Haya.
Disputa territorial
Nixeria y Camerún tiénense disputada la soberanía sobre Bakassi dende va munchos años. En 1981, dambos países tuvieron a piques de la guerra sobre Bakassi y la llende norte (Llagu Chad). Nuevos incidentes armaos ocurrieron a entamos de los años noventa. Camerún llevó'l caso a la Corte Internacional de Xusticia'l 29 de marzu de 1994.
El casu foi percomplicáu. La base del casu nixerianu yera correspondencia anglo-xermana datando de 1885 y trataos ente les potencies coloniales y los dirixentes indíxenes, en particular el Tratáu de Proteición de 1884. La base del casu camerunés yera'l tratáu anglo-xermanu de 1913, que definía esferes de control na rexón, y dos trataos firmaos nos años setenta ente Camerún y Nixeria: La Declaración Yaoundé II de 4 d'abril de 1971, y la Declaración Marua de 1 de xunu de 1975, dambes empobinaes a definir llendes marítimes ente los países. La llinia acordada entamaba al oeste de la península, lo qu'implicaba la soberanía camerunesa sobre la península. Nixeria nunca ratificó l'alcuerdu.
Veredictu de la CIX
El 10 d'ochobre de 2002, y basándose principalmente n'alcuerdos anglo-xermanos, la CIX dio la soberanía sobre Bakassi a Camerún. El CIX ordenó a Nixeria tresferir la soberanía sobre'l territoriu, pero non que los habitantes tuvieren qu'emigrar o camudar la so nacionalidá.
Tres la consternación creada pol veredictu, Nixeria negóse a retirar les sos tropes de Bakassi.
El veredictu foi apoyáu pola Organización de les Naciones Xuníes, qu'amenazó con sanciones y mesmo l'emplegu de la fuercia.
Igua del conflictu
El 13 de xunu de 2006, el presidente Olusegun Obasanjo de Nixeria y el presidente Paul Biya de Camerún resolvieron la engarradiella en conversaciones lideraes pol Secretariu Xeneral de la ONX Kofi Annan en Nueva York. Obasanjo acordó retirar les tropes nixerianas dientro en 60 díes y tresferir dafechu'l territoriu al control camerunés dientro de los siguientes dos años.
Retirada nixeriana
Nixeria comenzó a retirar los sos soldaos, unos 3.000, l'1 d'agostu de 2006 y nuna ceremonia'l 14 d'agostu realizóse la entrega formal de la parte norte de la península. La otra parte permanecerá baxo control d'autoridaes civiles nixerianes per dos años más.[1]
Referencies
- ↑ BBC News (ed.): «Nigeria hands Bakassi to Cameroon» (inglés) (14 d'agostu de 2006). Consultáu'l 11 d'abril de 2018.
