Auteuil
Alministración
País	Francia
Organización territorial	Francia metropolitana
Rexón	Islla de Francia
Departamentu	Sena (es)
Coleutividá territorial francesa con estatus especial	París
Distritu municipal	XVI Distritu de París
Tipu d'entidá	barriu alministrativu de París
Códigu postal	75016
Xeografía
Coordenaes	48°51′N 2°16′E / 48.85°N 2.27°E / 48.85; 2.27
Auteuil Auteuil (Francia)

XVI Distritu de París.

Auteuil (pronounciáu [o.tœj]) ye un barriu alministrativu del XVI Distritu de París. Ta al llau de Passy al nordeste (parte alministrativa de la Muette), de Boulogne-Billancourt al suroeste y del Bois de Boulogne al noroeste.

Historia

El barriu d'Auteuil foi incorporáu a París en 1859-1860 pola Llei de 16 de xunu de 1859. Una aldea construyida ente los sieglos XIII y XVII, convirtióse nun refuxu nel campu de moda pa les élites franceses mientres el reináu de Lluis XV.

Esta fastera ye conocida comúnmente como una de les más riques de París, tranquila, selecta y con vecindarios caros, incluyendo munches mansiones.

Referencies culturales

Ente les referencies culturales d'Auteuil atópense Notre-Dame d'Auteuil, el xardín de les serres d'Auteuil y el Pavillon de l'Eau.

• 
  Notre-Dame d'Auteuil
• 
  Jardin des Serres d'Auteuil
• 
  Pavillon de l'eau

Deportes

Auteuil ye conocíu polos sos estadios famosos:

• Stade Roland Garros onde se xuega el Tornéu de Roland Garros
• Parc des Princes que ye'l llar del club de fútbol Paris Saint-Germain Football Club
• Stade Jean-Bouin que ye'l llar del club de rugby Stade Français
• Hipódromu d'Auteuil onde se celebren les carreres de caza saltu
• Piscine Molitor, una piscina d'art deco protegida como patrimoniu nacional.

• 
  Stade Rolland Garros
• 
  Parc des Princes
• 
  Stade Jean Bouin
• 
  Hipódromu d'Auteuil
• 
  Piscine Molitor

Educación

Auteuil ye'l llar del Lycée Jean-Baptiste-Say que funciona como collège (colexu de secundaria inferior) y lycée (colexu de secundaria superior).

Persones famoses

El barriu d'Auteuil ye'l llugar de nacencia de Marcel Proust y de Charles Baudelaire. Tamién foi'l llar de Molière.

Thérèse Anaïs Rigo, más conocida pol so seudónimu Anaïs de Bassanville, una periodista, nació en 1802 en Auteuil y finó allí en 1884.

Na cultura popular

Foi equí onde'l personaxe de ficción del Conde de Monte Cristo, nel llibru del mesmu nome, mercó la so residencia de campu.

Referencies

Enllaces esternos

• Wikimedia Commons acueye conteníu multimedia sobre Auteuil .

• Auteuil (París) n'OpenStreetMap.