Asturina

L'Asturina ye una bandera que representa la llucha pola independencia y el socialismu d'Asturies. Ta formada pola Cruz de la Victoria, la mesma qu'apaez na bandera oficial d'Asturies pero ensin l'alfa y la omega, y una estrella colorada arriba a la manzorga. Ye una bandera similar a los d'otros movimientos nacionalistes d'izquierda, qu'inxerten una estrella colorada a la bandera del territoriu en cuestión. L'orixe del nome ta nel denomatu emplegáu pol Conceyu Bable[1] pa referise a la bandera asturiana a metanes de los años setenta[2] del sieglu XX.

Organizaciones polítiques qu'empleguen l'Asturina

Siendo una bandera nun entamu d'emplegu minoritariu anguaño ta garrando cierta reconocencia al tenela más partíos como d'emplegu habitual o de símbolu d'Asturies. Históricamente, el primer partíu n'usala foi l'Ensame Nacionalista Astur (ENA), pero llueu garraríen el relevu partíos como Andecha Astur[3][4], xunto a les sos mocedaes Darréu, la organización d'izquierda soberanista Fai!, la federación de partíos Unidá y les mocedaes MIAS (enantes de la so disolución como organización) y EMIR, amás del PCPE qu'a la fin reconoció la enseña magar qu'esta tien la Cruz de la Victoria, un símbolu relixosu.

Ver tamién

Referencies

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.