Asio otus
Estáu de caltenimientu
Esmolición menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Strigiformes
Familia: Strigidae
Xéneru: Asio
Especie: A. otus
(Linnaeus, 1758)
Distribución
Consultes
[editar datos en Wikidata]
Asio otus otus

Les especies d'aves con nome común en llingua asturiana márquense como NOA. En casu contrariu, conséñase'l nome científicu. La Asio otus ye una ave estrixiforme, una especie de la familia Strigidae.

Ye de gran tamañu y abondo común nel Sur y el centru d'Europa. Habita en montes de coníferes cerca de zones de cultivos, n'ocasiones nel altu monte. Pel día puede ser vistu dormiendo en grupos en pinos altos, anque se camufla perbién. Paezse un pocu al uxu campestre, esti postreru ye menos gordosu y llixeramente más grande. El uxu chicu tien grandes guedeyes sobre la cabeza que paecen oreyes, la parte ventral de color crema y bien llistada, los güeyos de color naranxa o colloráu, puntes grises nes ales, la cola con unes franxes pocu marcaes y un par de manches escures sobre les "muñeques". Sale namái de nueche.

La so voz ye un reclamu fondu, curtiu y apagáu tipu huh. Tamién puede faer chasquíos col picu p'asustar a los enemigos o proferir una especie de miaguíes.

Utiliza'l nial d'un córvidu o esguil. Pon de 3 a 5 güevos nuna niarada de marzu a xunu.

Caza fundamentalmente royedores como mures, aguarones y en menor midida aves ya inseutos. Espulsa dos egagrópilas al día por permediu, una nel llugar de descansu mientres el día y la otra mientres caza

  • Llargor: de 35 a 37 cm
  • Valumbu: de 84 a 95 cm
  • Pesu: 210-330 g
  • Llonxevidá: de 10 a 15 años
  • Estatus: seguro

Referencies

  1. ↑ BirdLife International (2009). «'Asio otus'» (inglés). Llista Roxa d'especies amenazaes de la UICN 2010.4. Consultáu'l 26 de payares de 2010.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.