Arthur J. Nascarella
Vida
Nacimientu	condáu de Suffolk, 18 de payares de 1944 (79 años)
Nacionalidá	Estaos Xuníos
Llingua materna	inglés
Estudios
Estudios	Newtown High School (en)
Llingües falaes	inglés
Oficiu	actor, actor de televisión, actor de cine
Serviciu militar
Cuerpu militar	Cuerpu de Marines de los Estaos Xuníos
IMDb	nm0621597

Arthur J. Nascarella (18 de payares de 1944, condáu de Suffolk) ye un actor de cine y televisión d'Estaos Xuníos. Apaeció en delles películes, más de cutiu interpretando mafiosos o policías. Los sos papeles más notables inclúin un policía corruptu en Cop Land (1997), l'hipócrita capitán d'una ambulacia en Bringing Out the Dead (1999) y el xefe d'un casino en The Cooler; tamién trabayó en Who Do I Gotta Kill? (1994), He Got Game (1998), Enemy of the State (1998), Happiness (1998) y World Trade Center (2006).

Interpretó notablemente al mafiosu Carlo Gervasi na esitosa serie The Sopranos.

Antes de dedicase a l'actuación, Nascarella foi integrante del Departamentu de Policía de Nueva York. Amás sirvió mientres ocho años nel Cuerpu de Marines de los Estaos Xuníos.

Los sos padres yeren estauxunidenses d'orixe italianu.

Referencies

Enllaces esternos

• Arthur J. Nascarella na Internet Movie Database (n'inglés)