Arenaria interpres
entornamarexes
Estáu de caltenimientu
Esmolición menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Charadriiformes
Familia: Scolopacidae
Xéneru: Arenaria
Especie: A. interpres
(Linnaeus, 1758)
Distribución
Subespecies
Ver el testu
Consultes
[editar datos en Wikidata]

L'entornamarexes[2] (Arenaria interpres) ye una especie d'ave caradriforme de la familia Scolopacidae.

Descripción

Mide de 21 a 25 centímetros de llargu, pesa unos 110 gramos, y tien un valumbu de 43 a 49 cm.[3] Tien el cuerpu compactu, coles sos pates, pescuezu y picu curtios.[4] Les sos pates tienen una color naranxa intensa.[4]

La so color camuda coles estaciones. Mientres nel iviernu la so cabeza ye café claro. La so zona dorsal ye marrón escuru, gris y negru, y la ventral ye blanca, col gargüellu y pechu negros.[5] Na so dómina reproductiva los machos tienen la cabeza y piscuezu cubiertos con un llamativu diseñu blancu y negru, cola zona dorsal colorada.[4]

Distribución

Tien una área de distribución que, según la estimación, va d'unu a diez millones de quilómetros cuadraos, cubriendo parte d'África, América, Asia, Europa y Oceanía.[6]

Comportamientu

La especie ye dafechu migratoria. De vezos solitarios, acomuña en grupos pequeños,[4] que pueden incluyir individuos d'otres especies, como'l mazaricu (Charadrius bicinctus),[3] anque son gregarios al migrar y alimentase, xuntándose'n grupos d'hasta 100 individuos.[7]

Añera ente mayu ya agostu, al norte de la so distribución, n'Alaska, Canadá, Groenlandia, Islandia, el norte de l'Europa continental y Asia.[3] Constrúin niales solitarios cerca de la mariña, anque cuando les condiciones ambientales son-y aparentes, pueden añerar en grupos.[7] Escuenden el so nial ente la vexetación, ocupándolo per dellos años. La fema pon 4 güevos de color verdosu con manches parduces,[8] que son guaraos por dambos proxenitores.[5] Los güevos eclosionen depués de 22 a 24 díes.[3]

Mientres nel iviernu migra escontra'l sur, llegando hasta Oceanía, les islles britániques, inclusive hasta'l sur d'África y la Tierra del Fueu.[3]

Hábitat y alimentación

Vive en cantiles y roqueríos costeros. Da vuelta a les piedres, tables, y otres torgues qu'atopa, mientres gueta los invertebraos de los que s'alimenta, aición que-y valió'l so nome común. Tamién s'alimenta de carroña y pexe en descomposición.[5]

Taxonomía

Reconócense les siguientes subespecies:

  • Arenaria interpres interpres
  • Arenaria interpres morinella

Galería

Referencies

  1. ↑ BirdLife International (2009). «'Arenaria interpres'» (inglés). Llista Roxa d'especies amenazaes de la UICN 2011.2. Consultáu'l 7 de xineru de 2011.
  2. ↑ URL de la referencia: http://www.sabencia.net/nomenclator.php.
  3. 1 2 3 4 5 Mariano Jiménez II y Mariano G. Jiménez. Entornamarexes Común (Arenaria interpres). Damisela.com, consultáu n'abril de 2009.
  4. 1 2 3 4 Álvaro Herrera Arenaria interpres (Linnaeus, 1758) (Entornamarexes acoloratáu). National Biodiversity Institute, consultáu n'abril de 2009.
  5. 1 2 3 Jesús Oliverios Pérez. Arenaria interpres (Linnaeus, 1758). Asturnatura.com, consultáu n'abril de 2009.
  6. ↑ BirdLife International 2008. Arenaria interpres. 2008 IUCN Red List of Threatened Species. Consultáu n'abril de 2009.
  7. 1 2 BirdLife International (2008) Species factsheet: Arenaria interpres. Consultáu n'abril de 2009.(n'inglés)
  8. ↑ Dierschke, V. (2008). Aves d'Europa (en castellanu). Barcelona, España: Ediciones Omega, páx. 256. ISBN 978-84-282-1476-6.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.