Anxelu
Vida
Nacimientu Ḷḷena, 1899[1]
Nacionalidá España
Muerte 1987[1] (87/88 años)
Estudios
Llingües falaes castellanu
asturianu
Oficiu escritor
Cambiar los datos en Wikidata

Ángel Menéndez Blanco (1899, Ḷḷena – 1987), conocíu como Anxelu, foi un poeta y monologuista asturianu qu'escribía n'asturianu.

A los trece años principió a trabayar na mina, na Sociedad Hullera Española (S.H.E.) polo que sólo pudo cursar estudios primarios. Nel 1929 comenzó a actuar como monologuista en velaes, actuaciones benéfiques y demás actividaes. Compaxinó'l trabayu na mina col de carpintiru nun taller pequeñu de la so propiedá.

Casáu con Consuelo Cachero Suárez, natural de Santa Cruz de Mieres, tuvo cinco fíos: Estelita, Ángel, Piedad, María del Rosario y María Consuelo.

Miembru activu del movimientu anarquista asturianu participó na Guerra Civil nel bandu republicanu. Al ocupar les tropes franquistes el Principáu adscribióse como soldáu al bandu subleváu.

Dende neñu escribió poesíes y monólogos. Interpretaba les creaciones y organizaba actuaciones en festivales y teatros. Yera amás actor y empresariu. Na década de 1920, publicó'l so primer trabayu, un llibrín con tres monólogos y un poema tituláu "A mio Asturies". Viviendo en Mieres creó La Gracia artística mierense, un grupu de guitarristes, un caricatu y él mesmu, cola que alcanzaron l'exitu en toles actuaciones.

Reconocimientos

Anxelu recibió en vida munchos homenaxes, ente ellos: Nel 1933 por parte de la Masa Coral y Artística d'Uxo. Nel 1975 nel Teatru Capitol nel III Concursu de Monologuistes Asturianos los monólogos debíen ser suyos. Nel 1977 nomáronlu Personaxe importante del añu en Cualloto. Yá fináu, editóse'l llibru Monólogos, poemes y teatro asturiano, presentáu na Casa de Cultura de Mieres.

Obres

  • La excursión de Anxelu a Pravia
  • Pa Marruecos
  • Celedonio
  • De corazón sanu
  • El divorcio de segundo
  • Les tres chaquetes d'Anxelu
  • La sentencia de Pachu
  • A Tino no-y gusta el vino
  • Linón
  • El tiru por la culata
  • Un tratu sin condición
  • Les conquistes de Rufón el Pinto
  • En qué pensaría Xuaca
  • Los consejos de Anxelu
  • Recuerdos de San Antón
  • Pachón a la caza del gurrión
  • La despedida de Pin
  • Siempre contigo, Mariyina

Referencies

  1. 1 2 Afirmao en: datos.bne.es. Data de consulta: 9 ochobre 2017. Apaez como: Ángel Menéndez. Identificador BNE: XX1642355. Llingua de la obra o nome: castellanu.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.