Artículu revisáu
Nymphalis antiopa
antiope
Estáu de caltenimientu
Non evaluáu
Clasificación científica
Reinu: Animalia
Filu: Arthropoda
Clas: Insecta
Orde: Lepidoptera
Suborde: Glossata
Infraorde: Heteroneura
División: Ditrysia
Seición: Rhopalocera
Familia: Nymphalidae
Tribu: Nymphalini
Xéneru: Nymphalis
Especie: N. antiopa
(Linnaeus, 1758)
Consultes
[editar datos en Wikidata]

L'antiope[1] (Nymphalis antiopa) ye una especie de lepidópteru ditrisiu de la familia Nymphalidae, llargamente distribuyida per Eurasia y América del Norte.[2] Vuela n'Asturies.

Carauterístiques

Les sos ales granate escuru carauterícense por un cantu mariellu, que tien al pie d'él una banda de puntos azules iridiscentes. Vistes de cerca, les ales son iridiscentes. Tien un valumbu de 73 a 86 mm. Dacuando apaez una variación, cuando la pupa tuvo espuesta a temperatures inusualmente baxes, en que la banda mariella ye más amplia que lo normal, y nun presenta les manches azules.[3]

Distribución y hábitat

Vive nel Norteamérica, ente la llinia de la tundra de Canadá y Alaska pel norte, hasta la rexón central de Méxicu pel sur. Tamién ye posible atopala en bien rares ocasiones nel norte dAmérica del Sur. Tamién habita'l norte d'Eurasia, dende Inglaterra hasta Xapón. Vive en cursos de ríos, cantos de monte o zones montiegues abiertes y parques.[3]

Alimentación

Los sos canesbes aliméntense de les fueyes d'árboles caducos, ente los que s'atopen les llameres y blimal blanca. Los adultos de la cazumbre de los árboles, y de fruta en descomposición, de manera bien infrecuente aliméntense del néctar de les de flores. Pasen l'iviernu nel estadiu adultu y por eso son de les primeres caparines que vuelen na primavera.[3]

Referencies

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.