Amasuela
Nome Amasuela
Detalles
Más información
[editar datos en Wikidata]
Amasueles de Carril, almeja fina (Ruditapes Decussatus)

Amasuela ye'l nome col que se-y conoz a dellos moluscos bivalvos que viven enterraos nel sable o barru de les orielles de los ríos y océanos.

Llogren enterrase per duana de los movimientos d'un pie musculosu que s'asemeya a una llingua. Ésti ta endolcáu por dos valves xuníes ente sí por un pequeñu lligamentu que facilita l'apertura y pieslle de la cónxara.

Entiérrase aproximadamente ente 5 y 30 cm de la superficie y aguanta temperatures de 5 a 35 °C, la baxamar y los cambeos de salinidá.

Aliméntase de pequeños seres vivios per aciu del filtramientu de l'agua. Suelen tener los sexos separtaos y la fecundación ye esterno.

N'Asturies, les amasueles tienen dellos nomes, según seya la so clase.

  • Amasuela (Venerupis decussata)
  • Amasuela mexona (Venerupis aurea, Tapes aureus)
  • Amasuela mixata o babosa (Venerupis pullastra, Tapes pullastra)


Especies

Esisten delles especies d'estos moluscos:

Amasuela xigante
  • Amasuela mariella (Mesodesma mactroides): distribúise peles costes del Océanu Atlánticu, dende Rio de Janeiro, Brasil, hasta la desembocadura del Río Negro n'Arxentina.
  • Amasuela de sangre (Cytherea chione): habita fondos de sable o con regodones, hasta 100 m de fondura, dende les costes de les Islles Britániques hasta'l Mediterraneu.
  • Amasuela fina europea (Tapes decussatus): afáyase nel Mediterraneu, el norte del Océanu Atlánticu y Mar del Norte.
  • Amasuela dura: vive dende'l Golfu de San Llorienzu hasta'l Golfu de Méxicu.
  • Amasuela xigante (Tridacna gigas): vive nos arrecifes coralinos del Océanu Pacíficu y l'Océanu Índicu.
  • Amasuela xapónica (Ruditapes philippinarum): orixinaria de les costas franceses ya ingleses, ye de xorrecimientu rápidu, polo que s'usa pal cultivu n'España, Francia ya Inglaterra.
  • Amasuela rubia (Tapes rhomboideus): remanez de les costes portugueses, anguaño cultívase n'España.
  • Amasuela babosa (Tapes pullastra): alcuéntrase n'Asturies, au tamién recibe'l nome de mixata. Ye cultivada especialmente en Galicia (España).
  • Amasuela d'agua dulce (Diplodon chilensis): alcuéntrase davezu nos ríos del centru y sur de Chile y d'Arxentina.
  • Amasuela Chocolata (Megapitaria squalida): alcuéntrase nel Golfu de California.

Referencies

    Enllaces esternos

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.