| Alpe d'Huez | |
|---|---|
estación de esquí (es)  y free flight site (en) | |
 | |
| Situación | |
| País | .svg.png.webp){kind=small} Francia |
| Organización territorial | Francia metropolitana |
| Rexón |  Auvernia-Ródanu-Alpes |
| Departamentu |  Isère |
| Distritu | distritu de Grenoble |
| Cantón | Cantón de Le Bourg-d'Oisans (es) |
| Comuña | Huez |
| Cordal |
Grandes Rousses (es) |
| Montes |
Alpe d'Huez Grand Domaine Ski (es) |
| Coordenaes | 45°05′N 6°04′E / 45.09°N 6.07°E |
  Alpe d'Huez Alpe d'Huez (Francia) | |
| Datos | |
| Altitú | 1860 m |
| Web oficial | |
 | |
L'Alpe d'Huez ye un monte de los Alpes franceses de 1850 m d'altor. La estación d'esquí asitiada nel monte entamó a facese en 1930. En 1936, púnxose'l primer remonte mecánicu de tipu telesquí. Alpe d'Huez ye perfamosu nel mundu pola so rellación cola carrera ciclista del Tour de Francia.
Historia
Alpe d'Huez ye un de los más famosos finales d'etapa de la carrera gala. Apaeció nel trazau de la Grande Boucle por primer vegada en 1952, cola victoria del italianu Fausto Coppi y, magar que nun se volvió xubir hasta'l Tour del 76, dende entós tuvo presente nel recorríu de la carrera cuasi tolos años, de fechu, la so alta nunca supero más d'una edición y ente 1986 y 1992 xubióse en toles ocasiones. Dende la edición del 95 parez que la frecuencia pola que se decidieron los organizaores pa incluila nel recorriu, ye la d'un añu sí ya un añu non, menos 2003 y 2004, disputada n'ambes ocasiones, camudando la so secuencia d'años impares a los pares.
La so importancia nel desendolcu de la carrera foi incrementándose con cada nueva edición, hasta'l puntu de que, durante dalgunos años, yera famosa la frase de que "quién sal d'amariellu del Alpe d'Huez, gana'l Tour de Francia". Ensin embargu, tres los Tours del 87 y del 89, cuando nin Perico Delgado nin Laurent Fignon pudieron facese cola vitoria final na xeneral dempués de ser llíderes d'Alpe d'Huez, díxose qu'arriendes de salir líder del Alpe d´Huez, había que ganar una contrarreló.
La xubida
La xubida entama na rodiada de la llocalidad de Bourg-d'Oisans. El recorriu que se fai na carrera ye (cuasi) siempre'l mesmu, poro que los caberos quilómetros pasen pel pueblu, lo que dexaría, en teoría, facer dalgunos cambeos y pese a que hai otra vía de llegada a la estación que sal de la carretera principal a unos 5 quilómetros de meta, poro, con asfaltu permalu ya una orografía permala pal asitamientu del públicu.
Ensin dulda, la carauterística que más famosu fizo a esti puertu, amás de la so durez, son les 21 curves de ferradura, numberaes en sentiu decreciente dende la base hasta'l cumal y nos carteles, qu'amuesen el númberu de la curva, pue lleese tamién y n'orde cronolóxicu, el nome d'un de los vencedores nel cumal del Alpe d'Huez. Tres la desputa de la edición el 2003, el númberu de venceores nel Alpe d'Huez pasó'l de curves polo que se tomo la idea d'añadir un nome más a cada curva, volviendo entamar pola 21 nuevamente.
Otra peculiaridá más d'estes curves ye que, en si mismes, nun tiene cuasi desnivel, atopándose los puntos más complicaos xusto a la salida les mesmes, au la carretera entama empinase de sópitu. Esta peculiaridá ye un arma de doble filu pal cliclista o'l cicloturista pues, si da 2 ó 3 segundos d'esnieldu, camuda impotemente la cadencia pedaleu.
El desnivel total que se salva ye de 1073 m y una llargura de 13,1 km, con una pendiente media del 8,2% y una cuesta máxima del 11,5%.
Quilómetru 1: Por porcentax ye'l más duru de tola xubida, con una pendiente media del 10.5%, aunque la mayor parte seya al 11%. Entama na rodiada de Bourg-d'Oisans, xusto enantes de travesar una pequeña ponte so'l ríu Romanche. Espués xírase pala manzorga y ye nesi momentu onde realmente entama l'ascensión. Nesti quilómetru ta marcada la curva, a la que s'empobina dexando'l muru piedra a la derecha.
Quilómetros 2 y 3: Empecipia'l culiebréu. Tres curves, la 20, 19 y 18 y un desnivel total del 9.4%. Hai abonda vexetación y l'ambiente nunca llega afogar del too. Nel quilómetru 3 llégase a l'aldea La Garde, a 930 metros d'altor. Equí tán les curves 17 y 16, tando'l porcentax total del quilómetru nel 8.4%
Quilómetros 4 y 5: El quilómetru 4 ye'l más "cenciellu" hasta esi momentu, el so porcentax total ye de 7.7% y nél tán les curves 15 y 14. Nel 5 asitiase'l pueblu La Ribot, a 1091 metros. El desnivel equí ye de 8.8% y hai otres dos curves, la 13 y 12. Empués de pasar pol pueblu, la vexetación pierde bayura d'árboles y eso fai, xunto a los quilómetros ya ascendíos ya la creciente altitú, la sensación de fatiga.
Quilómetros 6 y 7: Nuevamente suavízase la cuesta, quedándose nel 7.2% nel quilómetru 6 pa atopanos nos siguientes mil metros coles ramples más dures, por porcentax, de la xubida, raspiando'l 12% en tres tramos estremaos con un porcentax acumuláu del quilómetru del 9.5%.. Nel primer quilómetru hai dos curves más, la 11 y la 10. La curva 9 xunta dos de los tramos al 12% y la 8 asitiase a la salida del tercer tramu.
Quilómetru 8 y 9: Dende esti momentu'l paisax tresformase ca vegada más xabaz, con muncha menos vexetación que na base de la xubida. La xubida faíse más monótona pos nestos dos mil metros sólo se pasa per dos curves, la 7, cuasi al entamu'l quilómetru 9 y la 6, no cabero'l quilómetru 9. El primeru tien un porcentax del 8% y el segundu del 7.2%.
Quilómetru 10, 11 y 12: Estos tres quilómetros xunen la llocalidá d'Huez cola estación d'esquí que da nome a la xubida. Son perasemeyaes nos sos porcentaxes, 8.5%, 8.6% y 8.5% respeutivamente. Sólo al empecipiar el quilómetru 12, a la salida d'Huez, hay una cuesta del 11%, de seguío de la curva 5, unos metros más p'adelantre tá la 4. Ya nel quilómetru 11 atóopanse les curves 3 y 2 pa, finalmente, nel quilómetru 12 atopar la curva númberu 1, la última de la xubida.
Quilómetru 13: Pasase'n tola so totalidá peles cais de la estación d'esquí, el so desnivel ye del 4.3%, muncho más llanu que'l restu de l'ascensión. La recta de meta ye cuasi plana
Curiosidaes
Por naciones, Holanda tien el mayor númberu de victories, 8, siguida d'Italia con 7. Por esti motivu, conózse-y dende hai cuantayá como "el monte los holandeses" y por esti motivu tamién, la presencia d'aficionaos d'esti país ye masiva.
El Tour del 2004 foi l'únicu nel que nun se disputó una etapa en llinia sinón nuna cronoescalada. Cuasi un millón d'aficionaos se dieron cita aquel día pa ver la victoria de Lance Armstrong.
Seis correores ganaron en dos ocasiones n'Alpe d'Huez: Joop Zoetemelk, Hennie Kuiper, Peter Winnen, Gianni Bugno, Marco Pantani y Lance Armstrong. Tres españoles ganaron nel monte de les 21 curves de ferradura: Carlos Sastre, Federico Echave ya Iban Mayo, otros tres españoles salieron como líderes de la clasificación xeneral dempués de la disputa d'está mítica etapa: Perico Delgado, nos Tours del 87 y 88, ganando la edición d'esti últimu, Miguel Indurain, nos Tours del 91, 92, 94 y 95, ganador de la xeneral final en toos ellos, Carlos Sastre tamién s'asitió como líder tres ganar nesti míticu puertu na edición 2008.
Altor de les curves de ferradura del Alpe d'Huez
Llegada: 1850 m.
Giro 1: 1713 m.
Giro 2: 1669 m.
Giro 3: 1629 m.
Giro 4: 1553 m.
Giro 5: 1512 m.
Giro 6: 1480 m.
Giro 7: 1390 m.
Giro 8: 1345 m.
Giro 9: 1295 m.
Giro 10: 1245 m.
Giro 11: 1195 m.
Giro 12: 1161 m.
Giro 13: 1120 m.
Giro 14: 1050 m.
Giro 15: 1025 m.
Giro 16: 980 m.
Giro 17: 950 m.
Giro 18: 922 m.
Giro 19: 900 m.
Giro 20: 880 m.
Giro 21: 806 m.
Ganadores del Alpe d'Huez
2006: Frank Schleck Luxemburgu
2004: Lance Armstrong Estaos Xuníos
2003: Iban Mayo España
2001: Lance Armstrong Estaos Xuníos
1997: Marco Pantani Italia
1995: Marco Pantani Italia
1994: Roberto Conti Italia
1992: Andrew Hampsten Estaos Xuníos
1991: Gianni Bugno Italia
1990: Gianni Bugno Italia
1989: Gert-Jan Theunisse Holanda
1988: Steven Rooks Holanda
1987: Federico Echave España
1983: Peter Winnen Holanda
1981: Peter Winnen Holanda
1979*: Joop Zoetemelk Holanda
1979*: Joaquim Agostinho Portugal
1978: Hennie Kuiper Holanda
1977: Hennie Kuiper Holanda
1976: Joop Zoetemelk Holanda
1952: Fausto Coppi Italia
- Nel Tour de Francia 1979, hubo dos etapes n'Alpe d'Huez.
Ascensiones más rápides a Alpe d'Huez
L'ascensión más rápida protagonizóla Marco Pantani en 1995: 36' 50s. Tolos tiempos tán tomaos a 13,8 km del cumal.[1]
| Posición | Tiempu | Nome | Añu |
|---|---|---|---|
| 1 | 36' 50" |  Marco Pantani | 1995 |
| 2 | 36' 55" | Marco Pantani | 1997 |
| 3 | 37' 15" | Marco Pantani | 1994 |
 | |||
| 5 | 37' 41" |  Jan Ullrich | 1997 |
| | |||
| 6 | 38' 10" |  Miguel Induráin | 1995 |
| 6 | 38' 10" |  Alex Zülle | 1995 |
| 7 | 38' 12" |  Bjarne Riis | 1995 |
| 8 | 38' 22" | Richard Virenque | 1997 |
| | |||
| 9 | 38' 36" | Andreas Klöden | 2006 |
