Almudena Cueto
Vida
Nacimientu Nava, 26 d'ochobre de 1975 (48 años)
Nacionalidá España
Estudios
Estudios Universidá d'Uviéu
Llingües falaes castellanu
Oficiu política, abogada
Cambiar los datos en Wikidata

Almudena Cueto Sánchez (26 d'ochobre de 1975, Nava) ye una abogada y política socialista asturiana. De 2015 a setiembre de 2019 foi directora xeneral del Institutu Asturianu de la Muyer.

Trayectoria

Dirixente de Mocedaes Socialistes a los 19 años, de 1993 a 2001 foi conceyal del grupu municipal socialista nel Conceyu de Nava. Llicencióse en Derechu pola Universidá d'Uviéu y estudió un cursu d'Esperta Universitaria n'Axente d'Igualdá d'Oportunidaes na UNED y un máster universitariu en Sostenibilidá y Responsabilidá Social Corporativa na UNED y la Universidá Jaume I de Castelló.

A los 25 años treslladóse a Barcelona onde trabayó como consultora nuna compañía de seguros catalana onde trabayó de 2001 hasta 2004, momentu nel que tornó a Asturies.[1] De 2004 a 2012 foi integrante del equipu d'Antonio Trevín na so etapa como delegáu del Gobiernu onde trabayó como asesora.[2]

Foi fundadora de Más Innovación Social, empresa dedicada a xestionar la creación de valor compartíu pa les organizaciones, al traviés de la innovación social y de la responsabilidá social. Nes elecciones municipales de mayu de 2015 ocupó l'octavu llugar[3] na llista del Partíu Socialista d'Uviéu qu'encabezó Wenceslao López y que consiguió 5 escaños.[4][5]

De 2015 a setiembre de 2019 asumió el cargu de directora del Institutu Asturianu de la Muyer y de la Mocedá. La so predecesora foi Carmen Sanjurjo y la so sucesora Nuria Varela, nomada Directora Xeneral d'Igualdá.[6]

Referencies

  1. ↑ PSOE. «Perfil de Almudena Cueto». Archiváu dende l'orixinal, el 3 d'agostu de 2018. Consultáu'l 24 de marzu de 2018.
  2. ↑ (en castellanu) El patriarcado muere matando, por eso repunta la violencia machista. 24 de payares de 2015. http://www.elcomercio.es/asturias/201511/24/patriarcado-muere-matando-repunta-20151124002602-v.html. Consultáu'l 24 de marzu de 2018.
  3. ↑ «El PSOE presenta su candidatura a las municipales de Oviedo» (castellanu). Archiváu dende l'orixinal, el 5 d'ochobre de 2018. Consultáu'l 24 de marzu de 2018.
  4. ↑ España, La Nueva. Lo que Wenceslao una.... http://www.lne.es/oviedo/2015/09/13/wenceslao/1812843.html. Consultáu'l 24 de marzu de 2018.
  5. ↑ (en castellanu) Resultados Electorales en Oviedo: Elecciones Municipales 2015. http://resultados.elpais.com/elecciones/2015/municipales/03/33/44.html. Consultáu'l 24 de marzu de 2018.
  6. ↑ «La periodista y escritora Nuria Valera nombrada nueva directora general de Igualdad del Principado» (castellanu). Archiváu dende l'orixinal, el 9 de setiembre de 2019. Consultáu'l 9 de setiembre de 2019.

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.