Primeros trabayos

En payares de 1996 Larter interpretó a la falsa modelu Allegra Coleman na revista Esquire. Anque pocu dempués afayóse l'engañu, los sos efeutos fixéronse notar sobre ella, y foi tentada por delles axencies.^[6] Consiguió'l so primer papel profesional en 1997, na serie de televisión Chicago Sons. A dichu papel siguiéron-y otros tamién en televisión, concretamente en Dawson's Creek, Chicago Hope y Just Shoot Me!.

En 1999 empezó la so carrera como actriz cinematográfica con apaiciones en Varsity Blues y la película d'horror House on Haunted Hill, onde actuó xunto con Geoffrey Rush, Famke Janssen, Taye Diggs y Bridgette Wilson. La película foi un ésitu financieru en taquilla. Larter protagonizó Destín final, estrenada en 2000 actuó na película Llegalmente Rubia, protagonizada por Reese Witherspoon y foi un ésitu en crítica como en taquilla, nel mesmu añu actuó como monologuista nos Monólogos de la natura, en Nueva York. L'añu siguiente quedó na posición 40 de les 102 muyeres más sexys de la revista Stuff.

En 2000 una gran y desconocida Ali Larter debutaba nuna nueva temática del terror que crearía secuela, llamada Destín Final, que foi ensin batura a duldes un gran ésitu comercial qu'ensin dala dulda traería consigo la so secuela, una y bones les crítiques fueron positives y el so ésitu foi intachable. En 2003, Larter apaeció na secuela Final Destination 2, na película ella nun foi la protagonista. Darréu, Larter apaeció en A Lot Like Love protagonizada por Amanda Peet y Ashton Kutcher.

Reconocencia internacional

En 2006, Larter empezó a protagonizar la famosa serie de televisión Heroes, onde actúa como Niki Sanders y Tracy Strauss, la serie inclúi a un repartu formáu por Hayden Panettiere, Milo Ventimiglia, Leonard Roberts, Kristen Bell, Masi Oka y Greg Grunberg. Pola so actuación, Larter foi nomada pa un Premiu Saturn^[7] y pa un Scream Adwards, ganó un Teen Choice Awards en 2007. El mesmu añu apaeció xunto cola gran actriz Milla Jovovich nuna de les película de Resident Evil, Resident Evil: Extinction interpretando a Claire Redfield, que foi estrenada a finales de 2007. La producción de la película empezó en mayu y terminó en xunetu en Méxicu.^[8] Larter tamién figuró nel #6 na llista Maxim's Hot 100 de 2007.^[9]

Larter nel 2007 promocion de Heroes Comic-Con.

Igualmente en 2007, Ali espandió les sos fronteres al incursionar en Bollywood cola película Marigold xunto a la superestrella del cine indiu Salman Khan. En 2008 encarnó a la esposa del músicu d'Estaos Xuníos Hank Garland na película Crazy, de Rick Bieber. Protagonizó, xunto cola cantante Beyonce Knowles y l'actor Idris Elba, la película Obsessed que foi estrenada n'abril de 2009, la película polo xeneral recibió comentarios negativos per parte de los críticos, pero foi un gran ésitu comercial, que tuvo dos selmanes consecutives nel númberu unu de les películes más vistes n'USA, la filmación de la película tuvo llugar nel branu de 2008.^[10] El 22 de setiembre de 2009 anuncióse'l so regresu como Claire Redfield en Resident Evil: Afterlife (2010), dirixida por Paul WS Anderson.^[11]

Series de televisión