 Alhambra | |||
|---|---|---|---|
 | |||
| |||
| Alministración | |||
| País |  España | ||
| Autonomía |  Castiella-La Mancha | ||
| Provincia |  provincia de Ciudá Real | ||
| Tipu d'entidá | conceyu d'España | ||
| Alcalde d'Alhambra | Ramón Gigante Marín | ||
| Nome oficial | Alhambra (es)[1] | ||
| Códigu postal |
13248 | ||
| Xeografía | |||
| Coordenaes | 38°53′54″N 3°03′13″W / 38.8983°N 3.0536°O | ||
  Alhambra Alhambra (España)  | |||
| Superficie | 580.25 km² | ||
| Altitú | 862 m | ||
| Llenda con |
Argamasilla de Alba, Carrizosa, Manzanares, Montiel, Ruidera, San Carlos del Valle, La Solana, Tomelloso, Valdepeñas, Villahermosa, Villarrobledo, Ossa de Montiel y Socuéllamos
| ||
| Demografía | |||
| Población |
967 hab. (2023) - 506 homes (2019) - 496 muyeres (2019) | ||
| Porcentaxe |
0.2% de provincia de Ciudá Real 0.05% de Castiella-La Mancha 0% de España | ||
| Densidá | 1,67 hab/km² | ||
| Más información | |||
| Estaya horaria | UTC+01:00 | ||
| ayuntamientodealhambra.com | |||
 | |||
.svg.png.webp){kind=small}
Alhambra ye un conceyu d'España, na provincia de Ciudad Real, na comunidá autónoma de Castiella-La Mancha. Tien una área de 580,25 km² con una población en 2011 de 1.105 habitantes[2] y una densidá de 1,90 hab/km².
Al conceyu d'Alhambra, unu de los más estensos de la provincia de Ciudad Real n'alcordanza de la so importancia histórica mientres la Edá Media, pertenez la pedanía de Pozo de la Serna.
Patrimoniu
- Castiellu d'Alhambra: Construyíu sol dominiu omeya, sobre una primer construcción árabe anterior. La definitiva forma poligonal qu'agora puede vese débese al conde Álvaro Núñez de Lara. A pesar de la so importancia histórica, esti monumentu ta incluyíu dientro de la Llista Colorada de Patrimoniu en peligru de l'asociación Hispania Nostra.
- Ilesia de San Bartolomé apóstol: la so construcción empecipióse nel añu 1214, sobre los restos d'un anterior templu romanu. Ye deplanta de cruz llatina, d'una sola nave, con dos capielles llaterales nel cruceru. Nel esterior de la ilesia, la disposición de los sos murios ta formáu por moldures convexes semicirculares y puntales de lladriyos, buscando'l refuerzu de les esquines y de la fachada baxa con grandes bloques, qu'amuesen restos de grabaos pertenecientes al anterior edificiu. Nel interior, una falsa bóveda con llunetes y vanos termales usaos como ventanes p'allumar el templu. Nunes escavaciones arqueolóxiques recientes, afayóse una cripta sol altar mayor. El retablu ye modernu, sustituyendo al anterior que foi quemáu, xunto con toles imáxenes, na Guerra Civil española. L'antigua capiella del bautismu, allugada na base de la torre del campanariu, descubre un arcu de mediu puntu construyíu con bloques de moliz, dando accesu a la mesma.
- Los antiguos llavaderos públicos, construyíos nos años 40, de planta rectangular, con pilones centrales, chimenea, y cuartos independientes. Grandes ventanares, d'arcos acorvaos, empobinaos al saliente y al poniente, dan llume natural al interior del edificiu. Nel esterior asítiase'l pozu qu'abastecía d'agua'l pilón central, qu'entá caltién la tubería de plomu que surtía'l llavaderu.
Dientro del cascu urbanu d'esta villa (al pie de la ilesia parroquial), caltiénense dellos restos de dómina romana. Dellos historiadores identifiquen esta villa (o na so contorna), cola importante ciudá romana de Laminium, citada por numberoses fontes clásiques.
Referencies
- ↑ Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
- ↑ Instituto Nacional de Estadística.
Enllaces esternos
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.