Alfonsu II d'Asturies
monarca del reinu d'Asturies

791 - 842
← Bermudu I - Ramiro I →
Vida
Nacimientu Uviéu, 759 (greg.)[1]
Nacionalidá Reinu d'Asturies
Muerte Uviéu, 20 de marzu de 842 (greg.) (82/83 años)
Sepultura panteón de reis de la Catedral d'Uviéu
Familia
Padre Fruela I
Madre Munia d'Álava
Casáu con ensin valor
Pueblu dinastía Astur-lleonesa
Oficiu gobernante
Trabayos destacaos Testamentu d'Alfonsu II
Cambiar los datos en Wikidata
Alfonsu II.
Estatua d'Alfonsu II en Santiago de Compostela.

Alfonsu II (759 (greg.), Uviéu – 20 de marzu de 842 (greg.), Uviéu), conocíu como el Castu, foi rei d'Asturies ente los años 791 y 842.

Yera fíu de Fruela I y Munia. Nació n'Uviéu hacia l'añu 759. Al morrer el so pá quedó al cargu de la so tía Adosinda, anque hai una tradición que diz que tuvo nel monesteriu de Samos, en Galicia. Demientres el reináu de Silu desempeñó'l gobiernu del Palaciu. A la so muerte elíxenlo como rei col sofitu de la tía y los nobles de la corte, pero Mauregatu consiguió espulsalu del tronu. Tuvo que refuxase n'Álava, onde tuvo hasta que Bermudu I renunció al tronu. El 14 de setiembre de 791 volvió a ser proclamáu rei.

Sábese que caltuvo contautos col emperador Carlomagnu, pues hai constancia de que trés delegaciones de la Gallaecia viaxaron a la corte de los francos nos años 796, 797 y 798, anque nun se saben los asuntos de los que trataron. Per una parte, hai quien diz que foi pa buscar ayuda escontra los ataques de los hermanos musulmanes Ibn-Mugait nel oriente d'Asturies. Per otra, hailos que dicen que los alcuentros teníen que ver cola herexía adopcionista escontra la que lluchaba Carlomagnu.

Tomó Lisboa en 798 y venció a los musulmanes nel Nalón y n'Anceo (825). Gracies a les victories sobre los musulmanes afita la so presencia en Galicia, Lleón y Castiella, repoblándolos.

Ver tamién

Referencies

  1. ↑ Afirmao en: Encyclopædia Britannica Online. Identificador Encyclopædia Britannica Online: biography/Alfonso-II-king-of-Asturias. Apaez como: Alfonso II. Data de consulta: 9 ochobre 2017. Llingua de la obra o nome: inglés.

Enllaces esternos


Reinu d'Asturies (718-925)
Predecesor:
Bermudu I		 Rei d'Asturies
791 - 842		 Socesor:
Ramiru I


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.