07-03-2021 19:24
Ficha d'oxetu celesteAldhibain
estrella binaria
Datos d'observación
Magnitú absoluta 0,58
Constelación Draco (es) Traducir[1]
Carauterístiques físiques
Radiu 11 Radius solars
Masa 2,55 M☉
Otros nomes
Cambiar los datos en Wikidata

Aldhibain (η Draconis / η Dra / 14 Draconis)[2] ye la segunda estrella más brillosa de la constelación de Draco dempués d'Etamin (γ Draconis). El nome d'Aldhibain remanez del árabe الذئبين al-Dhibain y significa «los dos llobos». La estrella ζ Draconis, visualmente cerca pero ensin una rellación real con Aldhibain, recibe'l nome, bien asemeyáu, d'Aldhibah. De magnitú aparente +2,73, Aldhibain alcuéntrase a 88 años lluz del Sistema Solar.

Aldhibain ye una xigante mariella de tipu espectral G8IIIb de 5000 K de temperatura, que la so lluminosidá ye 61 vegaes mayor que la del Sol. El so radiu, non tan grande pa ser una estrella xigante, ye 9,8 vegaes mayor que'l radiu solar —valor llográu a partir de la midida del so diámetru angular, 0,0038 segundos d'arcu—. Xira bien amodo alredor de la so exa, con un periodu de rotación d'unos 400 díes.[3] Amuesa un conteníu metálicu inferior a la solar ([Fe/H] = -0,17).[4] Al igual qu'otres estrelles asemeyaes, Aldhibain emite rayos X sele y paez ser llixeramente variable, recibiendo la denominación de variable provisional NSV 7713.

Aldhibain tien una tenue acompañante a 53 segundos d'arcu de magnitú 8,8. Ye una nana naranxa de tipu K1V dixebrada siquier 140 UA de la componente principal con un periodu orbital de, siquier, 1000 años.[3]

Referencies

  1. ↑ Afirmao en: VizieR. Llingua de la obra o nome: inglés.
  2. ↑ Aldhibain (SIMBAD)
  3. 1 2 Al Dhibain Prior (Jim Kaler, Stars)
  4. ↑ Soubiran, C.; Bienaymé, O.; Mishenina, T. V.; Kovtyukh, V. V. (2008). «Vertical distribution of Galactic disk stars. IV. AMR and AVR from clump giants». Astronomy and Astrophysics 480 (1). páxs. 91-101 (Tabla consultada en CDS). http://cdsads.u-strasbg.fr/cgi-bin/nph-bib_query?2008A%26A...480...91S&db_key=AST&nosetcookie=1.
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.