Agustín de Pedrayes
Vida
Nacimientu Colunga, 28 d'agostu de 1744[1]
Nacionalidá España
Muerte 26 de febreru de 1815[1] (70 años)
Estudios
Llingües falaes castellanu
Oficiu matemáticu
Cambiar los datos en Wikidata

Agustín Bernardo de Pedrayes y Foyo (28 d'agostu de 1744, Colunga – 26 de febreru de 1815) foi un matemáticu asturiano.

Biografía

Agustín Bernardo de Pedrayes y Foyo nació en Llastres (Colunga) el día 28 d'agostu de 1744, y morrió en Madrid el 26 de febreru de 1815. Estudió les primeres lletres en Llastres baxo la direición de so padre y les Humanidaes na villa de Colunga. El 18 de mayu de 1758 con catorce años salió pa Santiago de Compostela col apoyu de so tíu maternu, el flaire Bernardo Foyo, onde cursó Filosofía, Teoloxía y Lleis na so universidá llogrando'l graduáu en 1762.

Obra

En 1777 asoleya un métodu de resolución d'ecuaciones.

El 17 d'abril de 1798 publícase na Gaceta de Madrid un concursu abiertu pa la resolución d'un problema matemáticu. Pedrayes resulta ganador en solitario del concursu siendo convidáu a París.

En 1799 participa xunto a Gabriel Císcar nel congresu entamáu en París pa la regularización del sistema de midida y pesu, aniciu del sistema métricu decimal.

Uviéu en reconocimientu a la figura bautizó una cai nel so honor baxo la denomación de «Matemático Pedrayes», el 26 de febreru de 1925.

Referencies

  1. 1 2 Afirmao en: Diccionario biográfico español. Identificador DBE: 8195/agustin-bernardo-de-pedrayes-y-foyo. Apaez como: Agustín Bernardo de Pedrayes y Foyo. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.

Enllaces esternos


This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.