António Agostinho Neto
1. Presidente d'Angola

11 payares 1975 - 10 setiembre 1979
← ensin valor - Lúcio Lara →
Vida
Nacimientu Ícolo e Bengo, 17 de setiembre de 1922[1]
Nacionalidá República Popular d'Angola
Llingua materna portugués
Muerte Moscú, 10 de setiembre de 1979[1] (56 años)
Sepultura Luanda
Causa de la muerte cáncer de páncrees[2]
Estudios
Estudios Universidá de Coimbra
Universidá de Lisboa
Llingües falaes portugués[3]
Oficiu políticu, poeta, médicu-escritor, Presu políticu
Llugares de trabayu Casa dos Estudantes do Império (en) Traducir
Premios
Xéneru artísticu poesía
Serviciu militar
Lluchó en Guerra civil angoleña
Guerra de la Independencia d'Angola
Creencies
Relixón metodismu
catolicismu
Partíu políticu Movimientu Popular de Lliberación d'Angola
Cambiar los datos en Wikidata

António Agostinho Neto Kilamba (17 de setiembre de 1922, Ícolo e Bengo – 10 de setiembre de 1979, Moscú) foi un poeta y políticu angolanu. Foi secretariu xeneral del Movimientu Popular de Lliberación d'Angola (MPLA) y convirtióse nel primer presidente del país tres la independencia.

Elementos biográficos

António Agostinho Neto, fíu d'un pastor metodista y d'una profesora, nació'l 17 de setiembre de 1922 en Kaxicane (Bengo).

Estudió medicina en Coimbra y más tarde en Lisboa, onde, con otros compatriotes, formó parte de diversos movimientos nacionalistes y culturales angolanos. Foi nesta época cuando empezó a escribir poemes, de marcáu carácter social, nos que se describíen les dures condiciones de vida del pueblu angolanu.

N'acabando la carrera de medicina, volvió a Angola. Pola mor de la so oposición al colonialismu portugués metiéronlu presu en 1960. Pasó dos años na cárcel, primero en Cabu Verde y depués en Portugal, hasta que pudo escapar y exiliase en Marruecos. Dende esti país dirixó'l MPLA, movimientu anticolonialista y marxista angolanu.

En 1961 espublizó'l segundu llibru de poemes y en 1970 la conferencia d'escritores Afro-asiáticos dio-y el premiu Lotus.

Tres la Revolución de los claveles de 1974, el nuevu réxime portugués concedió la independencia a la mayoría de les sos colonies. Esti mesmu añu Agostinho Neto espublizó otru llibru de poemes, tituláu Sagrada Sperança.

Neto representó al MPLA nes negociaciones colos otros movimientos militares angolanos FNLA (sofitáu por Estaos Xuníos y Francia) y UNITA (respaldáu pola República Surafricana). Estes conversaciones dieron llugar a un gobiernu de transición en xineru de 1975.

Sicasí, l'alcuerdu ente les tres organizaciones duró poco tiempu y ocho meses más tarde entamaba una guerra civil nel país, controlando cada movimientu una parte del país. La capital, Luanda, queda en manes del MPLA y el 10 de payares de 1975 Agostinho Neto proclámase presidente d'Angola, col apoyu de la XRSS y de Cuba, qu'unvió un fuerte continxente de tropes al país.

Gravemente enfermu, tresladáronlu pa curalu a Moscú, onde morrió'l 10 de setiembre de 1979.

Obra

  • Quatro poemas de Agostinho Neto (Cuatro poemes d'Agostinho Neto) (1957)
  • Poemas (Poemes) (1961)
  • Sagrada Esperança (Sagrada esperanza) (1974)
  • A Renúncia Impossível (La renuncia imposible) (1982)

Referencies

  1. 1 2 Afirmao en: SNAC. Identificador SNAC Ark: w6c123pj. Apaez como: Agostinho Neto. Data de consulta: 9 ochobre 2017. Llingua de la obra o nome: inglés.
  2. ↑ URL de la referencia: https://elpais.com/diario/1979/09/12/portada/305935202_850215.html.
  3. ↑ Identificador CONOR.SI: 242465635. Afirmao en: CONOR.SI.
  4. 1 2 3 4 5 6 7 8 URL de la referencia: https://www.archeofactu.pt/frontoffice/default.aspx?ctrl=experiencia_det&id=432&cid=5.
  5. ↑ URL de la referencia: http://www.thepresidency.gov.za/national-orders/order-companions-o.r.-tambo-0.

Enllaces esternos


Predecesor:
Primeru nel cargu
Presidente d'Angola
11 d'avientu de 1975
-
10 de setiembre de 1979		 Socesor:
José Eduardo dos Santos
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.