.svg.png.webp){kind=small}
Coordenaes: 
6h 58m 37.549s, -28° 58′ 19.51″
Adhara (Épsilon Canis Majoris / ε CMa / 21 Canis Majoris) ye una estrella na constelación Canis Major de magnitú aparente +1,51.[9] Tien la designación Bayer «Épsilon», quinta lletra del alfabetu griegu, a pesar de ser la segunda más brillosa na so constelación y una de les más brilloses del cielu nocherniegu.
Nome
El nome tradicional de Adhara —dacuando escritu Adara o Adharaz—[10] provién de la pallabra árabe عذارى ‘aðāra’, «vírxenes». El so principal significáu ye «flor d'azahar», d'ende la so derivación a «vírxenes» por ser la flor representante de la pureza.
Ye conocida en China como 弧矢七, «la séptima estrella del arcu y la flecha».
Carauterístiques físiques
Adhara ye una estrella binaria distante 405 años lluz del Sol. La estrella principal ye una superxigante azul o xigante lluminosa[11] de tipu espectral B2Iab.[9][10]Tien una temperatura superficial de 21.900 K y tien una lluminosidá (radiación total) equivalente a 22.300 vegaes la del Sol. Si tuviera a la mesma alloña que Siriu (α Canis Majoris) tendría una magnitú aparente de -7 y veríase 7 vegaes más brillosa que'l planeta Venus. Esta estrella ye tamién unu de los emisores conocíos de rayos ultravioleta más brillosos del cielu. La midida del so diámetru angular conduz a un radiu de 10,4 vegaes el radiu solar. Los sos parámetros de lluminosidá y temperatura dexen envalorar la so masa ente 11 y 12 vegaes la masa del Sol, lo que probablemente seya abondu por que nel futuru esplote como supernova.[11]
La componente secundaria del sistema de Adhara, d'octava o novena magnitú, probablemente ye una estrella na llende ente los tipos A y F. Visualmente a 7 segundos d'arcu de Adhara A, la separación real con ella ye de, siquier, 900 unidaes astronómiques, siendo el so periodu orbital cimeru a los 7500 años.[11] A pesar de la distancia angular relativamente amplia que les dixebra, les componentes namái pueden ser resueltes per aciu telescopiu, una y bones la estrella principal ye unes 250 vegaes más brillosa que la so compañera.
Hai unos 4.700.000 años, Adhara alcuéntrase a namái 34 años lluz del Sistema Solar, lo que la convertía na estrella más brillosa del cielu nocherniegu con una magnitú aparente de -3,99. Nenguna otra estrella foi tan brillosa de magar, nin nenguna va algamar de nuevu esti rellumu mientres, siquier, los próximos 5 millones d'años.[12]
Ver tamién
- Llista d'estrelles más brilloses
- Estrella (náutica)
Referencies
- 1 2 3 4 5 6 Afirmao en: SIMBAD.
- ↑ URL de la referencia: https://thenauticalalmanac.com/TNARegular/1981_Nautical_Almanac.pdf.
- 1 2 3 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ «Variability of OB stars from TESS southern Sectors 1-13 and high-resolution IACOB and OWN spectroscopy». Astronomy and Astrophysics: páxs. 61. xunetu 2020. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ «A catalogue of young runaway Hipparcos stars within 3 kpc from the Sun» (n'inglés). Monthly Notices of the Royal Astronomical Society (1): páxs. 190–200. 12 ochobre 2010. doi:.
- ↑ «Stellar population models in the UV. I. Characterisation of the New Generation Stellar Library» (n'inglés). Astronomy and Astrophysics: páxs. A143. febreru 2012. doi:.
- ↑ Norberto Castro (19 xineru 2015). «B fields in OB stars (BOB): on the detection of weak magnetic fields in the two early B-type starsβ CMa andϵ CMa» (n'inglés). Astronomy and Astrophysics: páxs. 20–20. doi:.
- 1 2 Adara (SIMBAD)
- 1 2 Adharaz (The Bright Star Catalogue)
- 1 2 3 Adhara (Stars, Jim Kaler)
- ↑ Sky and Telescope, April 1998
