L'activu fixu o activu non corriente ye una cuenta cuntable que correspuende a un bien o drechu de calter duraderu, con una espeutativa de dura mayor que'l ciclu productivu. Son aquellos bienes y derechos qu'una empresa necesita pa funcionar de manera duradera. Según el negociu en cuestión, será necesario cuntar con más activu fixu o con menos (por exemplu, una fábrica necesita un activu fixu muncho más importante qu'un comerciante).

Los activos fixos son poco llíquidos, dao que se tardaría muncho en vendelos p'algamar dineru. Lo normal ye que perduren munchu tiempu na empresa.

Cuando una empresa, d'otra miente, tien bienes que son con idea de vendelos o de tresformalos n'otros pa la so venta, o bien derechos de curtia dura (creitos), entós trátase d'activu circulante.

Los activos fixos, si bien son duraderos, non siempres son eternos. Poro, la contabilidá obliga a amortizar los bienes a midida que trescurre la so vida normal, de manera que s'espeye'l so valir más axustáu posible. Pa ello esisten tables y métodos d'amortización.

Al traviés de l'amortización, amenórgase'l valir del bien y refléxase como un gastu.

Exemplos d'activos fixos son: la maquinaria, el moblame, edificios, tarrenos, marques, llicencies, etc.

Ver tamién

  • Activu circulante
  • Balance


Referencies

    Enllaces esternos

    This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.