18-11-2007 00:00

Les especies d'aves con nome común en llingua asturiana márquense como NOA. En casu contrariu, conséñase'l nome científicu.

Acrocephalus arundinaceus
carricera real
Estáu de caltenimientu
Preocupación menor (LC)
Esmolición menor (IUCN)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Acrocephalidae
Xéneru: Acrocephalus
Especie: A. arundinaceus
(Linnaeus, 1758)
Distribución
Sinonimia
  • Acrocephalus lacustris
  • Acrocephalus turdoides
  • Calamoherpe arundinacea
  • Turdus arundinaceus Linnaeus, 1758[2]
Consultes
[editar datos en Wikidata]
Cuculus canorus canorus + Acrocephalus arundinaceus

La carricera real[3] (Acrocephalus arundinaceus) ye una ave de vezos migratorios perteneciente a la familia Acrocephalidae, dientro del orde de los paseriformes.[4] Afita en zones húmedes, ríos y llagos d'Europa, África y Asia.[4]

Carauterístiques

Colos sos 18,5 cm de llargor, ye la especie europea de sílvidu palustre de mayor valumbu.[4] El picu ye más llargu y robezu que'l de les restantes especies europees.[4] La tonalidá del plumaxe ye marrón escura na parte cimera y clara na inferior.[4]

Distribución

La carricera real (A. arundinaceus) reproduzse n'Europa y rexones templaes del estremu occidental d'Asia. Magar nun lo fai nel Reinu Xuníu, de cutiu ye posible atopala ellí. La so población foi n'aumentu mientres les últimes décaes nel Bálticu oriental, ente que se volvió más rara na parte occidental de la so área de distribución. Esta especie migra escontra'l norte considerablemente tarde, pudiéndose topar dellos especímenes nos sos abellugos ivernizos entá a finales d'abril.[5]

Vezos

Güevos de Acrocephalus arundinaceus

Nidifica ente les cañes construyendo un nial a base de sustancies vexetales enxareyaes y colingándolu de los mesmos carrizos.[4] Fai una sola puesta añal constituyida de normal por ente 4 y 6 güevos —anque en rares ocasiones pueden ser 3—, que guáriense mientres 14 o 15 díes por dambos proxenitores.[4] Los pitos críense polos dos padres y permanecen nel nial mientres 12 díes dempués de la eclosión.[4] Aliméntase preferentemente d'inseutos y d'otres varies especies d'invertebraos,[4] ya inclusive de vertebraos tales como renacuayos. Columbróse tamién a pareyes alimentando a les sos críes con pequeños pexes.[4] Son territoriales na so zona de reproducción, y puen vese en grandes grupos, ocupando árees nes que nun dexen la presencia de cuasi nenguna otra ave.[6] Les poblaciones d'esta especie sufren notables fluctuaciones al llargu plazu. Capaz de multiplicar el so númberu con facilidá al atopar un nuevu hábitat, esta ave común y llargamente distribuyida ta clasificada como especie so esmolición menor.[7]

Referencies

  1. ↑ BirdLife International 2009. Acrocephalus arundinaceus. En: IUCN 2010. IUCN Red List of Threatened Species. Versión 2010.4. <www.iucnredlist.org>. Consultáu'l 24 febreru de 2011.
  2. ↑ Acrocephalus arundinaceus en Biolib
  3. ↑ URL de la referencia: http://www.sabencia.net/nomenclator.php.
  4. 1 2 3 4 5 6 7 8 9 10 Bologna, Gianfranco (1981). Guías de la naturaleza: Aves (en castellanu). Barcelona: Grijalbo. ISBN 84-253-3362-8.
  5. ↑ Traylor & Parelius (1967), Bensch & Hasselquist (1999), BLI (2008)
  6. ↑ Traylor & Parelius (1967)
  7. ↑ Bensch & Hasselquist (1999), BLI (2008)

Enllaces esternos

This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.