.svg.png.webp){kind=small} AS Serpentis | |
|---|---|
Estrella variable[1], binaria eclipsante[1], estrella[1] y near-IR source (en)  [1] | |
| Datos d'observación | |
| Ascensión reuta (α) | 234,70425350395 °[2] |
| Declinación (δ) | 2,25839204887 °[2] |
| Distancia a la Tierra | 444,089 pc |
| Magnitú aparente (V) | 11,39 (banda V) |
| Constelación | Serpens |
| Parallax | 2,2518 mas[2] |
| Tipu espectral | F2[1] |
| Otros nomes | |
|
Ver llista
| |
 | |
Coordenaes: 
15h 38m 49.021s, 2° 15′ 30.211″
AS Serpentis (AS Ser / AN 42.1935)[3] ye una estrella variable na constelación de Serpens. Alcuéntrase na rexón de Serpens Caput, la cabeza de la culiebra, ente ψ Serpentis y 10 Serpentis. La so distancia al Sistema Solar ye de 1154 ± 17 años lluz.[4]
AS Serpentis ye una estrella binaria que les sos componentes tán tan próximes que cuasi lleguen a tocase, compartiendo la so capa esterior de gas. Enllenen el 99% de los sos lóbulos de Roche, polo que práuticamente constitúi una binaria de contautu. La componente principal tien tipu espectral F2 y una temperatura averada de 7000 K. La so masa ye un 50% mayor que la del Sol y el so radiu un 53% mayor que la d'ésti, rellumando con una lluminosidá 5 vegaes mayor que la lluminosidá solar. La estrella acompañante tien la metá de masa que'l Sol y el so radiu equival al 90% del radiu solar. D'alcuerdu a la so masa, ésta ye una estrella de tipu M0, magar, con 1/3 de la lluminosidá del Sol, ye demasiáu lluminosa pal so tipu espectral. La velocidá de rotación d'esta binaria ye 55 vegaes mayor que la del Sol.[5]
El periodu orbital del sistema ye de 0,4659 díes (11,18 hores), tando clasificada AS Serpentis como una binaria eclipsante. El so rellumu fluctúa ente magnitú aparente +11,40 y +12,00,[6] esistiendo un eclís principal y un eclís secundariu, correspondiendo una cayida nel rellumu de 0,26 magnitúes pal primeru y 0,10 magnitúes pal segundu.[7] Amás reparóse que'l periodu orbital nun ye constante, sinón que bazcuya; l'amplitú d'esta oscilación ye de 0,0049 díes a lo llargo d'un periodu de 11,8 años. Ello puede debese a ciclos d'actividá magnética de dambes componentes o a la presencia d'un tercer cuerpu non detectáu. Nesta última hipótesis, el tercer cuerpu, de 0,28 mases solares, sería una nana colorada de tipu M5V si fuera una estrella de la secuencia principal y orbitaría a una distancia de 5,93 UA de la binaria cercana.[5]
Referencies
- 1 2 3 4 5 Afirmao en: SIMBAD.
- 1 2 3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ V* AS Ser -- Eclipsing binary of beta Lyr type (SIMBAD)
- ↑ Gettel, S. J.; Geske, M. T.; McKay, T. A. (2006). «A Catalog of 1022 Bright Contact Binary Stars». The Astronomical Journal 131 (1). pp. 621-632. http://cdsads.u-strasbg.fr/cgi-bin/nph-bib_query?2006AJ....131..621G&db_key=AST&nosetcookie=1.
- 1 2 Zhu, L.-Y.; Qian, S.-B.; Yang, Y.-G. (2008). «The First Multi-Color Photometric Study of the Near-Contact Binary as Serpentis». The Astronomical Journal 136 (1). pp. 337-343. http://cdsads.u-strasbg.fr/cgi-bin/nph-bib_query?2008AJ....136..337Z&db_key=AST&nosetcookie=1.
- ↑ AS Serpentis (General Catalogue of Variable Stars)
- ↑ Malkov, O. Yu.; Oblak, E.; Snegireva, E. A.; Torra, J. (2006). «A catalogue of eclipsing variables». Astronomy and Astrophysics 446 (2). pp. 785-789 (Tabla consultada en CDS). http://cdsads.u-strasbg.fr/cgi-bin/nph-bib_query?2006A%26A...446..785M&db_key=AST&nosetcookie=1.
