 AE Fornacis A/B | ||
|---|---|---|
| Datos d'observación (Dómina J2000.0) | ||
| Constelación | Fornax | |
| Ascensión reuta (α) | 03h 08min 06,66s | |
| Declinación (δ) | -24º 45’ 34,7’’ | |
| Mag. aparente (V) | +10,32 (conxunta) | |
| Carauterístiques físiques | ||
| Clasificación estelar | K7V / K7V | |
| Masa solar | 0,50 / 0,50 M☉ | |
| Radiu | (0,66 / 0,52 R☉) | |
| Magnitú absoluta | +7,83 (conxunta) | |
| Lluminosidá | 0,08 / 0,04 L☉ | |
| Temperatura superficial | 4100 / 4065 K | |
| Variabilidá | Binaria eclipsante | |
| Periodu d'oscilación | 0,918 díes | |
| Astrometría | ||
| Distancia | 103 años lluz (31,5 pc) | |
| Sistema | ||
| Nᵁ de componentes | 2 (3?) | |
| Referencies | ||
| SIMBAD | enllaz | |
| NStED | enllaz | |
| Otres designaciones | ||
| HIP 14568 / CD-25 1273 / GSC 06438-00083 / LTT 1480 / NLTT 9990 | ||
| [editar datos en Wikidata] | ||
AE Fornacis (AE For)[1] ye una estrella binaria na constelación de Fornax. La so distancia al Sistema Solar ye de 103 años lluz.[2]
AE Fornacis ye una binaria cercana formada por dos nanes naranxes de tipu espectral K7V. Bien asemeyaes, pero non idéntiques, tienen una temperatura efectivo de 4100 y 4065 K respeutivamente. Nel so lluminosidá ye onde puede apreciase mayor diferencia, una y bones una d'elles ye'l doble de lluminosa que la otra. La más lluminosa tien un radiu equivalente al 66% del radiu solar ente que la so compañera tien un radiu igual al 52% del que tien el Sol. Créese que tienen igual masa, siendo ésta la metá de la masa solar.[2]
El periodu orbital d'AE Fornacis, bien curtiu, ye de namái 0,918 díes (22,03 hores). L'enclín del planu orbital respectu al planu del cielu ye de 86,5º, polo que vemos dichu planu práuticamente de perfil.[2] Arriendes d'ello, ye una binaria eclipsante tipu Algol, siendo la so magnitú aparente máxima +10,32. El rellumu del sistema mengua 0,57 magnitúes mientres l'eclís.[3]
L'analís del periodu d'AE Fornacis revela qu'ésti varia de forma cuasi-sinusoidal, variaciones que pueden debese a la presencia d'un tercer oxetu. El periodu orbital d'esti cuerpu sería de 6,912 años aproximao y tendría una masa mínimo 47 vegaes mayor que la masa de Xúpiter, per debaxo de la llende estelar. Por ello, si la órbita d'esti oxetu fuera coplanar cola de la binaria eclipsante, dichu oxetu sería una nana marrón.[2]
Ver tamién
Referencies
- ↑ V* AE For -- Flare Star (SIMBAD)
- 1 2 3 4 Zasche, P.; Svoboda, P.; Uhlář, R. (2012). «GK Bootis and AE Fornacis: two low-mass eclipsing binaries with dwarf companions». Astronomy and Astrophysics 537 (1). A109. http://cdsads.u-strasbg.fr/cgi-bin/nph-bib_query?2012A%26A...537A.109Z&db_key=AST&nosetcookie=1.
- ↑ Malkov, O. Yu.; Oblak, E.; Snegireva, E. A.; Torra, J. (2006). «A catalogue of eclipsing variables». Astronomy and Astrophysics 446 (2). páxs. 785-789. http://cdsads.u-strasbg.fr/cgi-bin/nph-bib_query?2006A%26A...446..785M&db_key=AST&nosetcookie=1.
