.svg.png.webp){kind=small}
Coordenaes: 
8h 46m 22.544s, -13° 32′ 51.805″
12 Hydrae (12 Hya / D Hydrae / HD 74918)[7] ye una estrella na constelación d'Hidra. Anque güei nun tien nome propiu, na astronomía china yera conocida como Tianji —anque delles fontes asignen esti títulu a λ Velorum—, que representaba un asesor que decidía si los animales yeren lo bastante vieyos pa ser sacrificaos.[8] De magnitú aparente +4,32, alcuéntrase a 244 años lluz del Sistema Solar.
12 Hydrae ye una xigante mariella de tipu espectral G8III con una temperatura efectivo ente 5012[9] y 5063 K.[10] Ye 79 vegaes más lluminosa que'l Sol y tien un diámetru 12 vegaes más grande que'l diámetru solar; el so tamañu ye comparable al d'otres estrelles xigantes similares como Vindemiatrix (ε Virgnis) o β Lacertae.
12 Hydrae exhibe un conteníu metálico inferior a la solar: diverses fontes asígnen-y un índiz de metalicidá [Fe/H] ente -0,14 y -0,30.[9][10] Tampoco hai claru consensu tocantes a la so edá; un estudiu indica una edá de 400 millones d'años[10] ente qu'otru alza esta cifra hasta los 670 millones d'años.[11] Con una masa envalorada de 2,8 mases solares,[10] ye una estrella del discu finu al igual que'l Sol.[11]
12 Hydrae puede tener una compañera estelar, formando una binaria astrométrica de llargu periodu.[12] La posible acompañante tien magnitú +13,7 y la separación actual ente dambes estrelles ye de 25 segundos d'arcu.
Referencies
- 1 2 3 Afirmao en: SIMBAD.
- 1 2 3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ «New measurements of rotation and differential rotation in A-F stars: are there two populations of differentially rotating stars?» (n'inglés). Astronomy and Astrophysics: páxs. A116. xunu 2012. doi:.
- ↑ Afirmao en: Gaia DR2. Stated in source according to: SIMBAD. Llingua de la obra o nome: inglés. Data d'espublización: 25 abril 2018.
- ↑ «The lithium abundances of a large sample of red giants» (n'inglés). The Astrophysical Journal (2): páxs. 94. 31 marzu 2014. doi:.
- ↑ «The Perkins catalog of revised MK types for the cooler stars» (n'inglés). The Astrophysical Journal Supplement Series: páxs. 245–266. ochobre 1989. doi:.
- ↑ 12 Hya -- Star in double system (SIMBAD)
- ↑ Hydra (Ian Radpath's Star Tales)
- 1 2 Massarotti, Alessandro; Latham, David W.; Stefanik, Robert P.; Fogel, Jeffrey (2008). «Rotational and Radial Velocities for a Sample of 761 HIPPARCOS Giants and the Role of Binarity». The Astronomical Journal 135 (1). pp. 209-231. http://cdsads.u-strasbg.fr/cgi-bin/nph-bib_query?2008AJ....135..209M&db_key=AST&nosetcookie=1.
- 1 2 3 4 Takeda, Y.; Sato, B.; Murata, D. (2008). «Stellar Parameters and Elemental Abundances of Late-G Giants». Publications of the Astronomical Society of Japan 60 (4). pp. 781 - 802. http://cdsads.u-strasbg.fr/cgi-bin/nph-bib_query?2008PASJ...60..781T&db_key=AST&nosetcookie=1.
- 1 2 Soubiran, C.; Bienaymé, O.; Mishenina, T. V.; Kovtyukh, V. V. (2008). «Vertical distribution of Galactic disk stars. IV. AMR and AVR from clump giants». Astronomy and Astrophysics 480 (1). pp. 91-101 (Tabla consultada en CDS). http://cdsads.u-strasbg.fr/cgi-bin/nph-bib_query?2008A%26A...480...91S&db_key=AST&nosetcookie=1.
- ↑ Eggleton, P. P.; Tokovinin, A. A. (2008). «A catalogue of multiplicity among bright stellar systems». Monthly Notices of the Royal Astronomical Society 389 (2). pp. 869-879. http://cdsads.u-strasbg.fr/cgi-bin/nph-bib_query?2008MNRAS.389..869Y&db_key=AST&nosetcookie=1.
