| Tipu | dominiu de nivel superior xeográficu |
|---|---|
| Creáu | 1990 |
| Organización patrocinadora |
Naukowa i Akademicka Sieć Komputerowa (en)  |
| Pertenez a la xurisdicción | Polonia |
| Sitiu web oficial | Sitiu web |
 | |
.pl ye'l dominiu de nivel superior xeográficu (ccTLD) pa Polonia, alministráu pola Naukowa i Akademicka Sieć Komputerowa (NASK), l'organismu d'investigación y desarrollu de Polonia, y ún de los miembros fundadores del Council of European National Top Level Domain Registries (CENTR).
Historia
El dominiu .pl foi creáu en 1990, tres la mitigación del embargu del CoCom en collaboración teunolóxica colos países del antiguu Bloque del Este. El primer subdominiu de .pl foi .pwr.pl, de la Universidá Politéunica de Wrocław.
En 2003, introduciéronse los nomes de dominiu internacionalizaos (NDI). Permitióse'l rexistru de dominios con cualquier caráuter de los alfabetos llatín, griegu, cirílicu, árabe o hebréu.
La NASK ye miembru sectorial del Comité Consultivu Internacional Telegráficu y Telefónicu (ITU-T) dende 2004,[1] y xuega un papel activu [2] nel Grupu d'Estudiu 17, que trabaya nos nomes de dominiu internacionalizaos. Andrzej Bartosiewicz, xefe de la división de DNS de la NASK, actúa como corresponsal de la Cuestión 16, dedicada a los NDI.[3]
Ver tamién
- Domain Name System (DNS)
- Llista de dominios d'Internet
