| Ḷḷaciana | |
|---|---|
 | |
| Alministración | |
| País |  España |
| Autonomía |  Castiella y Llión |
| Provincia |  Provincia de Llión |
| Tipu d'entidá | comarca d'España |
| Xeografía | |
| Coordenaes | 42°55′N 6°19′W / 42.92°N 6.32°O |
 | |
| Demografía | |
 | |
Ḷḷaciana[1] ye una comarca histórica situada nel noroccidente de la Provincia de Llión (comunidá autónoma de Castiella y Llión, España), que se compón d'un únicu términu municipal.
Llingüística
La llingua predominante güei ye'l castellanu, que coexiste con una variante del asturllionés: el pachuezu, que, ente otros trazos destacaos, presenta la palatalización de la L- inicial y la -LL- xeminada llatines nun soníu africáu ápico-alveolar sordu conocíu en dalgunos ámbitos como "che vaqueira", tradicionalmente representada coles grafíes <ts> o <chx> y modernamente como <ḷḷ>. Por mas que tea en peligru de desaparición, son diverses les iniciatives feches pa revitalizar la fala tradicional de la zona. Ente elles destaquen una producción lliteraria relativamente fuerte, promovida por editoriales como Piélago del Moro o'l Club Xeitu, una campaña de retulación de comercios y locales públicos organizada por El Teixu, la presencia de la llingua en pregones de fiestes llocales (como'l de les fiestes de Viḷḷablinu, al cargu de la escritora Emilce Núñez) y cursos sobre la variedá occidental del asturllionés dirixíos pol escritor y profesor Roberto González-Quevedo. [2]
Contestu xeográficu
Situada nel noroccidente de la provincia de Llión, la comarca de Ḷḷaciana atiesta coles comarques llioneses de Palacios, Oumaña y Babia. y colos conceyos asturianos de Degaña, Cangas y Somiedo. Ye una tierra de montes de carbayos y fayes, semaos de mines y esplotaciones carboníferes a cielu abiertu. Los ríos d'esti valle fluyen con direición al Océanu Atlánticu y la so agua acaba afluyendo al principal de toos ellos, que ye El Ríu Sil.
Poblaciones
La comarca de Ḷḷaciana ta integrada pol conceyu de Viḷḷablinu (pueblos de Viḷḷablinu, Cagüaḷḷes d'Abaxu, Viḷḷaseca de Ḷḷaciana, Cagüaḷḷes d'Arriba, Viḷḷaxere, Riuscuru, Sousas, Robles de Ḷḷaciana, Rabanal d'Abaxu, Rabanal d'Arriba, Ḷḷamas de Ḷḷaciana, Ouraḷḷu, Ḷḷumaxu[1] y Viḷḷare de Santiagu{{).
Economía
Comarca eminentemente minera cutida anguaño pola crisis abierta del sector, vese empuesta a la busca d'alternatives económiques de futuru. Ye sede de les empreses Coto Minero Cantábrico o Hijos de Baldomero García.
Demografía
Series de población dende 1996. Cifres oficiales de la Revisión añal del Padrón municipal a 1 de xineru de cada añu.
Notes:
1) Nel añu 1997, nun se realizó revisión padronal
2) Les cifres de 1996 tán referíes a 1 de mayu y les demás a 1 de xineru.
Fonte: Institutu Nacional d'Estadística
| AÑU | TOTAL | HOMES | MUYERES |
|---|---|---|---|
| 2012 | 10.220 | 5.055 | 5.165 |
| 2011 | 10.353 | 5.104 | 5.249 |
| 2010 | 10.553 | 5.212 | 5.341 |
| 2009 | 10.660 | 5.291 | 5.369 |
| 2008 | 10.860 | 5.394 | 5.466 |
| 2007 | 11.168 | 5.531 | 5.637 |
| 2006 | 11.544 | 5.733 | 5.811 |
| 2005 | 11.904 | 5.929 | 5.975 |
| 2004 | 12.212 | 6.098 | 6.114 |
| 2003 | 12.978 | 6.508 | 6.470 |
| 2002 | 13.336 | 6.682 | 6.654 |
| 2001 | 13.789 | 6.929 | 6.860 |
| 2000 | 14.169 | 7.120 | 7.049 |
| 1999 | 14.702 | 7.423 | 7.279 |
| 1998 | 14.956 | 7.547 | 7.409 |
| 1997 | |||
| 1996 | 15.284 | 7.715 | 7.569 |
Gastronomía
Dalgunos de los platos más típicos de Ḷḷaciana son el caldu de berzas o pote ḷḷacianiego, el choscu o botillo, el ḷḷeite migau (lleche migada con pan de fogaza de centenu) y l'empanada del país. De la repostería destaquen los fixuelus en forma d'espiral, típicos del occidente.
Ḷḷacianegos destacaos
- Francisco González González, escritor, poeta, historiador y dibuxante, natural de Viḷḷaseca de Ḷḷaciana.
- Luis Mateo Díez, escritor y académicu de la Real Academia Española, natural de Viḷḷablinu.
- Valdo (Valmiro Lópes Rocha), futbolista, natural de Viḷḷaseca de Ḷḷaciana anque orixinariu de Cabu Verde.
- Jaume Rovira Pous, ciclista, natural de Viḷḷablinu.
- Victor Gomes, ciclista, natural de Viḷḷaxer de Ḷḷaciana.
- José Manuel López Rodríguez, ciclista, natural de Caboaḷḷes de Baxo.
- Marcelo Jorissen Braecke, "el belxicanu", Direutor Xeneral de la Mineru Siderúrxica de Ponferrada.
- Felipe Sierra Pambley, políticu español, natural de Viḷḷablinu.
- Obispu Fernando Argüelles Miranda, filósofu y teólogu, natural de Caboaḷḷes de Riba.
Referencies
Enllaces esternos
Wikimedia Commons acueye conteníu multimedia sobre Ḷḷaciana 
.
