.svg.png.webp){kind=small}
Coordenaes: 
8h 46m 46.512s, 6° 25′ 7.685″
Épsilon Hydrae (ε Hya / 11 Hydrae) ye un sistema estelar múltiple na constelación d'Hidra de magnitú aparente +3,38. Alcuéntrase a 135 años lluz de distancia del Sistema Solar.
Los dos componentes principales de Épsilon Hydrae, dixebraes tan solo 0,2 segundos d'arcu, son una estrella xigante mariella de tipu espectral G5III y una subxigante blanca de tipu A5IV. La primera, de magnitú +3,8, tien una temperatura efectivo de 4900 K y ye 57 vegaes más lluminosa que'l Sol, ente que la estrella blanca, de magnitú +4,7, tien una temperatura de 7700 K y ye 17 vegaes más lluminosa que'l Sol. La distancia real ente les dos estrelles bazcuya ente 3,6 y 17,4 UA por cuenta de la notable escentricidá de la órbita, siendo'l periodu orbital de 15,05 años.
A 4,5 segundos d'arcu del par interior puede reparase una tercera componente, denomada Épsilon Hydrae C. Ye una nana blancu-mariella de tipu F5V con una temperatura de 6600 K y una lluminosidá 2,5 vegaes superior a la del Sol. Emplega 900 años en completar una vuelta en redol a les otres dos estrelles, de les que s'atopa dixebrada d'unes 190 UA. De la mesma ye una estrella binaria que les sos componentes tán bien próximes ente sí —0,09 UA— y completen una órbita cada 9,9 díes.
Visualmente a 19 segundos d'arcu, completa'l sistema una estrella tenue de magnitú 10, probablemente una nana colorada. Orbita los cuatro estrelles a una distancia averada de 800 UA.
Épsilon Hydrae ta catalogada como una variable BY Draconis, con una variación nel so rellumu de 0,04 magnitúes.
Referencies
- 1 2 3 4 Afirmao en: SIMBAD.
- 1 2 3 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- 1 2 David Latham (7 avientu 2007). «Rotational and radial velocities for a sample of 761 Hipparcos giants and the role of binarity» (n'inglés). The Astronomical Journal (1): páxs. 209–231. doi:.
- ↑ Andrzej Niedzielski (2018). «The Penn State - Torun Centre for Astronomy Planet Search stars. IV. Dwarfs and the complete sample» (n'inglés). Astronomy and Astrophysics: páxs. 31–31. doi:.
- ↑ «Ultraviolet and Optical Studies of Binaries with Luminous Cool Primaries and Hot Companions. V. The Entire IUE Sample». The Astrophysical Journal Supplement Series (1): páxs. 83-104. payares 1998. doi:.
