Ángel Pestaña
diputáu nes Cortes republicanes

3 marzu 1936 - 1r febreru 1938
Distritu: Cádiz
Eleiciones: tercer llexislatura de la Segunda República Española
secretariu xeneral de la Confederación Nacional del Trabayu

Vida
Nacimientu Ponferrada[1], 14 de febreru de 1886[2]
Nacionalidá España
Muerte Begues y Barcelona[1], 11 d'avientu de 1937[2] (51 años)
Sepultura Cementeriu de Montjuïc
Estudios
Llingües falaes castellanu[3]
Oficiu periodista, reloxeru, políticu, anarcosindicalista, sindicalista
Llugares de trabayu Madrid
Miembru de Confederación Nacional del Trabayu
Creencies
Partíu políticu Partido Sindicalista (es) Traducir
Cambiar los datos en Wikidata

Ángel Pestaña Núñez (14 de febreru de 1886, Ponferrada – 11 d'avientu de 1937, Begues y Barcelona), foi un anarcosindicalista español nacíu en Santo Tomás d'Ollas, nel conceyu de Ponferrada. Secretariu xeneral de la CNT en varies ocasiones, foi arriendes d'ello fundador del Partido Sindicalista y diputáu en cortes xenerales.

Biografía

Carrera política

Proveniente d'un estratu social humilde, bien ceo quedaría güérfanu, viéndose na obligación de ganase la vida dende bien neñu. Yá con quince años entamaría a mostrar la so personalidá inconformista y el so compromisu social, lo que lu llevaría a ser deteníu nel tiempu de la so estancia en Sestao pola so participación nuna güelga en defensa de la xornada llaboral d'ocho hores.

Exerció tola so vida'l periodismu combativu; foi escritor bayurosu d'ensayos sobre pensamientu políticu y sindical, autor de dalguna novela y de polo menos una obra de teatru: "La ciudad" (un drama moralizante en tres actos); viaxó a Moscú y atrevióse a cuestionar el conceptu de dictadura del proletariáu frente a Lenin y Trotski; compartió amistá con Indalecio Prieto; refugó varies veces formar parte del Conseyu de Ministros; foi tentáu por José Antonio Primo de Rivera y llegó a entrevistase con Albert Einstein cuando esti visitó Barcelona el 27 de febreru de 1923, Depués d'una conferencia na Real Academia de Ciencies y Artes.

Segunda República

Depués de la proclamación de la Segunda República Española en 1931, el conflictu ente Pestaña y la FAI afondóse: Pestaña entamó l'aplicación del Manifiestu de los Trenta, una condena nidia de les táctiques de la FAI, colo que consiguió ser espulsáu de la CNT n'agostu. Fundól Partido Sindicalista nos meses finales de 1932.

El partíu amestóse al Frente Popular, y Pestaña foi elixíu pa les Cortes Xenerales nuna plataforma de frente en 1936, como unu de los dos representantes del partíu (algamó un escañu por Cádiz). N'ochobre, col entamu de la Guerra Civil, foi designáu subcomisionáu xeneral pa la guerra, pero tuvo que dimitir por motivos de salú n'avientu. Morrió poco depués, en 1937, en plena Guerra Civil y el partíu desintegróse rápidamente. Anantes de morrer solicitó el reingresu a la CNT, tornando a los sos postulaos anarquistes clásicos contrarios a la política gubernamental.

Referencies

  1. 1 2 URL de la referencia: http://www.congreso.es/portal/page/portal/Congreso/Congreso/Iniciativas?_piref73_2148295_73_1335437_1335437.next_page=/wc/servidorCGI&CMD=VERLST&BASE=DIPH&FMT=DIPHXD1S.fmt&DOCS=1-1&DOCORDER=FIFO&OPDEF=Y&NUM1=&DES1=&QUERY=%2889110%29.NDIP.. Data de consulta: 20 xineru 2020.
  2. 1 2 Afirmao en: autoridaes BNF. Identificador BnF: 12819431k. Apaez como: Ángel Pestaña. Autor: Biblioteca Nacional de Francia. Llingua de la obra o nome: francés.
  3. ↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.

Enllaces esternos


Predecesor:
Juan Peiró
Secretariu Xeneral de la CNT
1929		 Socesor:
Juan López
Predecesor:
Progreso Alfarache
Secretariu Xeneral de la CNT
1930 - 1932		 Socesor:
Manuel Rivas
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.