ڤينيسيا

المبانى فى مدينة ڤينيسيا قديمه جدا وجذابه, المبانى والقنوات خللت ڤينيسيا واحده من اشهر المدن فى العالم. اكتر معالم ڤينيسيا شهره جسر ريالتو, و كاتدرائية سان ماركو و قصر رئيس القضاه و جسر التنهدات و كنيسة بازيليكا سانتا ماريا دى جلوروسيا دى فرارى

اصل اسم ڤينيسيا من اسم شعب ڤينيتى و ممكن یكون هو نفسه شعب إينیتی (Eneti - Ενετοί) اللى كتب عنه هوميروس و ممكن یكون فیه صلة لاسم ڤينيسيا من الكلمة اللاتينی (venetus) بمعنى 'البحر الأزرق'.

رغم انان مافيش سجلات تاريخيه عن اصول ڤينيسيا, لكن الادله المتوفره خلت مؤرخين كتير يجمعو على ان سكان ڤينيسيا الاصليين هم لاجئيين من مدن رومانيه زى بادوڤا و كونكورديا و كانو هربانين من موجات متتاليه من غزوات القبائل الجرمانيه. بين سنة 166 و سنة 168, دمرت قبائل القوادى الجرمانيه المركز الرئيسى فى المنطقه و دمرت قبائل القوط الغربيين الدفاعات الرومانيه مره تانيه فى بداية القرن الخامس, وبعد حوالى 50 سنه, دمرت قبائل الهانيه بقيادة اتيلا دفاعات ڤينيسيا. شارلمان كان معادى ڤينيسيا فى البدايه و حاول يخضع المدينه لحكمه. سنة 828 زادت هيبه ڤينيسيا بعد سرقة جسد القديس مار مرقس الرسول من الاسكندرية لما اخده بعض التجار من ڤينيسيا وابحروا به لمدينة ڤينيسيا و هناك استقبلوا الجسد باحتفال كبير و وضعوه فى الكاتدرائية الجديدة واتسمت باسم مارمرقس كنيسة مارمرقس اللى تتميز بقبابها الخمسة وبرجها المرتفع 100 متر[6] وكان مقر البطركيه قد اتنقل لريالتو فى ڤينيسيا.

واصل مجتمع ڤينيسيا التطور و قلت قوة السلطة البيزنطيه وده قد ادى لنمو الحكم الذاتى و الاستقلال فى نهاية المطاف. استولت جمهورية ڤينيسيا على عدد من المواقع على السواحل الشرقية من البحر الادرياتيكي قبل 1200, معظمهم لأسباب تجارية, بحجة ان القراصنه هناك خطر على التجارة.و بعد الحمله الصليبيه الرابعه سيطرت ڤينيسيا على القسطنطينيه سنة 1204 و أنشإت الامبراطوريه اللاتينيه. جمهورية ڤينيسيا فضلت مستقله لمدة 1070 سنه، و خسرت استقلالها لما احتلها نابليون بونابرت يوم 12 مايو سنة 1797،

ڤينيسيا و خليجها *
موقع اليونيسكو للتراث العالمي
الدولة	Italy
النوع	Cultural
المعايير	i, ii, iii, iv, v, vi
رقم التعريف	394
المنطقة	Europe and North America **
الإحداثيات	45°26′23″N 12°19′55″E  [7]
تاريخ الاعتماد
الدورة	11th
السنة	1987 (الاجتماع الحادي عشر للجنة التراث العالمي)
* اسم الموقع كما هو مدون بقائمة مواقع التراث العالمي ** تقسييم اليونسكو لمناطق العالم

جمهورية ڤينيسيا كانت هى اول بلد تحط لايحة تطبق بمقتضاها مفهوم لامتيازات التجاره و براءات الاختراع [8]

ڤينيسيا

ڤينيسيا معروفه صناعة الزجاج اسمه زجاج ڤينيسيا مشهور بألوانه و تفاصيله.

• السياحة فى ڤينيسيا