ڤيديو جيم

ڤيديو جيم او لعبه الكومبيوتر,  واللى بيتقال بالعربى (لعبة فيديو او لعبة الحاسوب؛ بالانجليزى: Video game), دى ألعاب مبرمج واللى جت على كومبيوتر, وزى العاده بيصدر على عده انظمه العاب الكومبيوتر, وزمان اول كان الكومبيوتر لما تشتغل لازم تشبكه سلك على التلفزيون.[1][1][2] جهاز ادخال فى ڤيديو جيم بتجى الزرار سواء على لوحه التحكم واللى بيستخدمه بالبيت او لعبه الزرار تشتغل اذا دخلت القرش علشان تلعب اللعبه اللى انت عاوزه, والسنين الاخيره طورت الزرار سواء على الكيبورد او الفأرة او لمسه التاتش اذا كان شخص عنده هاتف الموبايل المتطور (زى الايباد او الايفون مثلا).

 ڤيديو جيم
 
العاب صالات الاركيد دى وحده من احجام ڤيديو جيم

بتختلف انواع ڤيديو جيم حسب القصه او فكر المطور لڤيديو جيم, فمره تحصل اللعبه من نوع منصات او الادفانتشر, او تقمص الادوار, وتصويب منظور شخص اولانى او التالت, والتصويب الفضائى والسباقات والرياضه الخ, برضه يقدر الشخص يلعب اللعبه ده عن طريق الانترنت, واللى بيتجى فى الغالب يلعب مع الناس المتصله بالانترنت, وبيقدر يكمل الوقت اللى عاوزه.

تطوير ڤيديو جيم

زمان, كان يقدر مبرمج واحد او مجاميع صُغَيِره انه يقدر ينتج لعبه او يصمم مراحل اللعبه عن طريق الكومبيوتر ومراجعته, لكن فى السنين الاخيره ده اتغيرت بشكل فظيع, ان الشركه الناشره لڤيديو جيم او المطوره بيطلب ناس كتير وفريق عمل اكبر علشان يعمل ڤيديو جيم اللى يعجبه الزباين (الجيمرز), وده بيتطلب تطوير ڤيديو جيم فى الغالب حسب الخطه المسبقه:

  • منتجين: المنتجين هم اللى بيعملوا المشروع ده.
  • مصميين: مهمه المصممين انو يصمم اللعبه وتركيبها وعمل قواعد ليها عن طريق الكومبيوتر او تصوير الفيديو والتيكنولوجيا العاليه.
  • فنانين: مهمه الفنانين انو يعملوا رسم الفنون المرئى لشخصيات اللعبه, زى البطل الراجل او الست والشرير والمساعد وشخصيات تانيه ورسم الباكجراوند زى الطبيعه او المدينه او الاماكن او الوسيله النقل, و غيرها.
  • مبرمجين: هم مهندسين برمجيات بيستخدموا الادوات الجاهزه وبيعملوا لغات البرمجه علشان يحول الشخصيات والاماكن الى لعبه فيديو.
  • مصممين مراحل: بيختص مصممى المراحل للاماكن اللى بيتواجد الشخصيه فى اللعبه دى, زى القريه, المدينه, الغابه, و غيرها, وبيعملوا التصاميم والمناطق بشكل مفصل.
  • مهندسين الصوتيات والمؤلفين المزيكا: والمهمه دى بيعمل ابتكارات المزيكا وتأثيرات صوتيه علشان تتناسب مع القصه وطريقه البلاى علشان تكون اللعبه فى احسن احواله.
  • مختبرين: المختبرين هم ناس من الجيمرز اللى بيفحص اللعبه ده بالكامل قبل ماتنزل اللعبه فى السوق, وبيعطى النصايح والتبليغ عن اى اخطاء برمجيه زى ايرور (الغيليتش) علشان يصلحها او يغيرها.

ان تطوير ڤيديو جيم من قبل "الاستوديو" مش قادر انه يصدر الالعاب من غير موافقه الناشر, الناشر ده هيعمل شغل جديد زى اصدار الديمو (لعبه تجريبى), والتسويق والبيع والنشر وتوزيع الالعاب, لكن تطوير اللعبه ده بيكلف مابين 1 مليون دولار امريكى الى 20 مليون دولار امريكى للعبه الوحده.

منصات واحجام ڤيديو جيم

ده منصات او احجام اللى يقدر يلعب ڤيديو جيم حسب نوع الكومبيوتر:

  • منصات لجهاز كومبيوتر منزليه (Consoles) :
ده اجهزه المصممه جابت مخصصه للعب وتشبك زى العاده مع جهاز التلفزيون مهما كان نوعها.
  • كومبيوترات شخصيه (PC) :
ده العاب اللى بيلعب على الكومبيوتر الشخصى, واللى بيشترط اساسا عمليه التثبيت, والكومبيوتر ده بيتطلب مساحه فاضيه على ذاكره الكومبيوتر, وبتكون الطلبيات تقيله زى مساحه الجيجا بايت تكون مرتفعه.
  • أجهزة الموبايلات :
دى ثوره فى العصر الجديد, واللى هيثبت على الهواتف المحموله واللعب بيها, زى ضغط الزرار بارقام التيليفون او التاتش على الشاشه.
  • لعبه الويبسايت  :
اللعبه دى بتلعب على متصفح الانترنت سواء اللعب ببلاش او التسجيل عن طريق الايميل, والويبسايت بيتطلب كومبيوترك الشخصى انه يدخل برنامج الفلاش علشان تلعب على الانترنت سواء اليوزرز التانيين او اللعب لوحدك.

بص برضه
  • نظام ڤيديو جيم
  • لعبه حاسوب
  • صندوق الجيمز
  • عالم افتراضى
  • ڤيديو جيم محظور

مصادر
  1. {{cite web}}: Empty citation (help)
  2. "Definition of Serious gamesAdobe.com August 2007
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.