يوهانيس جوتينبرج

يوهانيس جوتينبرج Johannes Gutenberg ، هوا ابو الطباعه الحديثه ومخترع الحروف المصقوله. كان حداد ومطبعجى وصايغ وناشر المانى. اختراعه لحروف الطباعه الميكانيكيه هوا اللى بدأ ثورة الطباعه واللى بيعتبر عالمياً اهم حدث فى العصر الحديث. الاختراع ده لعب دور كبير فى عصر النهضه وحركة الاصلاح والثوره العلميه واسس قواعد الاقتصاد والتجاره المبنيين على المعرفه مش التخمين والحدس ونشر التعليم للجماهير (التعليم كانت محتكراه طبقه معينه من الناس اللى معاهم الفلوس الكافيه لتمويل نسخ الكتب بطريقه يدويه).

 يوهانيس جوتينبرج
(بالألمانى: Johannes Gutenberg) 
 
معلومات شخصيه
الميلاد سنة 1400 [1][2][3][4] 


ماينتس [5] 

الوفاة سنة 1468 (67–68 سنة) 


ماينتس  

الاقامه ماينتس [6] 
مواطنه
الامبراطوريه الرومانيه المقدسه  
الحياه العمليه
المدرسه الام جامعة ارفورت (1418–) 
المهنه مهندس [5]،  وحداد ،  والصايغ [5] 
اللغات المحكيه او المكتوبه لغه المانى [7] 
يوهانيس جوتينبرج

جوتينبريج اول اوربى يطبع باستخدام حروف مصقوله حوالى سنت 1439 وبيُعتبر المخترع الاول للمطبعه ليه اسهامات كتيره فى المجال ده زى استخدامه للحبر اللى معمول اساساً من الزيت و اختراعه لطريقه مكنته من طباعه كميات كبيره من الكتب بطريقه سريعه ودقيقه, لكن اهم اختراع ليه وكان معجزة العصر ده هو دمجه لكل اختراعاته الصغيره اللى عملها فى نظام كامل يسمح بطباعة كتب كامله بكميات كبيره فى وقت قصير و ده كان قابل للتطبيق من الناحيه الاقتصاديه بالنسبه للمطبعجيه وللناس اللى عايزه تقره.

استخدامه للحروف المصقوله والمفصوله عن بعض كان تحسين وتعديل للكتابه اليدويه اللى كانت هيا اللى منتشره فى الوقت ده ولكنها كانت مهمه صعبه وبتاخد وقت و جهد كبير جداً, وعشان كده انتشرت طريقة جوتينبرج بطريقه مذهله فى اوروبا والعالم كله بعد كده.

اتولد فى مدينة ماينز بالمانيا ابوه كان تاجر من الطبقه الراقية فى المدينه وامه كانت الزوجه التانيه لابوه.بيتقال ان ابوه كان تاجر اقمشه ولكن فيه شوية مصادر بتقول انه كان شغال صايغ عند اسقف المدينه ولكنه عامة كان بيتاجر فى القماش. سنت ميلاد جوتينبريج مش متحدده بالظبط لكنها كانت حوالى سنت 1398.

المؤرخين بيقولوا ان حياة جوتينبرج وهوا ضُغير عباره عن لغز عشان مفيش حاجه بتذكره فى التاريخ قبل اختراعه و لكنه عامة كبر واتعلم صنعة الصايغ من ابوه.

طبع جوتينبرج الكتاب المقدس ونسى انه يكتب اسمه على صفحاته وخده شغله وحياته ومشاكله بعد كده. مات فى سنت 1584 من غير ما يكسب ولا مليم من الطباعه والانجاز اللى عمله من أعظم الانجازات الانسانيه على مدار التاريخ.يوهانيس جوتينبرج ادفن فى كنيسة الفرنسيسكان فى ماينز, الكنيسة والمقبره اتدمروا بعد كده وقبر جوتينبرج ضاع مكانه و مش معروف لحد دلوقتى

  1. وصلة : 118543768  — تاريخ الاطلاع: 9 ابريل 2014 — الرخصة: CC0
  2. مُعرِّف المتحف البريطاني للأشخاص والمؤسسات (BM): https://collection.britishmuseum.org/resource/?uri=http%3A%2F%2Fcollection.britishmuseum.org%2Fid%2Fperson-institution%2F162402 — باسم: Johannes Gutenberg — تاريخ الاطلاع: 9 اكتوبر 2017 — المخترع: المتحف البريطانى
  3. باسم: Johann Gutenberg — مُعرِّف الموسوعة الكاثُوليكيَّة: https://www.newadvent.org/cathen/07090a.htm — تاريخ الاطلاع: 9 اكتوبر 2017
  4. باسم: Johannes Gutenberg — معرف شخص أو منظمة في معهد مينيابوليس للفنون: https://collections.artsmia.org/people/12201 — تاريخ الاطلاع: 9 اكتوبر 2017
  5. مُعرِّف المكتبة القومية في إسبانيا (BNE): https://datos.bne.es/resource/XX994236
  6. https://encyklopedia.pwn.pl/haslo/Gutenberg-Johannes;3909007.html
  7. Identifiants et Référentiels — تاريخ الاطلاع: 20 مارس 2020 — الناشر: وكالة الفهرسة للتعليم العالي
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.