ويليام الاولانى ملك انجلترا

وليام الاول الفاتح William I the Conqueror ، بالفرنساوى (Guillaume Ier le Conquérant) (اتولد فى فاليز، فرنسا 1028 - اتوفى فى رُوان، فرنسا 1087 ) هو دوق نورماندى من 1035ل1087 وملك انجلترا من 1066ل1087.

ويليام الاولانى ملك انجلترا
(بالانجليزى: William I the Conqueror)، و(بالانجليزى القديم: Wilhelm se Gehīersumiend)، و(بالفرنساوى: Guillaume le Conquérant)، و(بNorman: Gllâome lé Counqùéreus)
معلومات شخصيه
اسم الولاده	(بالفرنساوى: Guillaume)
الميلاد	سنة 1028 [1]  فاليز [1]
الوفاة	9 سبتمبر 1087 (58–59 سنة)[1]  روان [1]
الزوجة	ماتيلدا من فلاندرز (1053–)[2][3]
ابناء	روبرت كورتز ،  وويليام التانى [2]،  واديليزا ،  وكونستانس نورماندى ،  واديلا نورماندى [2]،  وهينرى الاول ملك انجلترا [2]
الام	هيرليفا [2]
اخوه و اخوات	اودو دى بايو ،  وروبرت كونت مورتين ،  واديلايد نورماندى [2]
معلومات أخرى
المهنه	عسكرى ،  وعاهل

وليام الاول

اشهر الملوك النورمان اللى حكمو انجلترا و اول ملك نورمانى يتنصب ملك. ابن الدوق روبيرت Duke Robert. بقى دوق نورماندى و هو عنده 7 سنين و عاش طفوله مليانه مخاطر بسبب اطماع ناس فى الاستيلاء على اراضيه.

فى سنة 1017 ابتدا النورمان عملية غزو ايطاليا لما الطليان طلبو منهم انهم يساعدوهم فى طرد طوايف كانت عايشه فى ايطاليا. فى سنة 1047 ويليام النورماندى و هو عنده 19 سنه قاد النورمان فى اول معاركه فى فال اى دون Val-es-Dunes على حدود نورماندى مع فرنسا و انتصر فى الينسون Alençon و عاقب 32 واحد من اعيانها لاأنهم وقت الحصار سبو امه و عايروه لانها كانت فى الاصل بنت دباغ جلود ، و قطع ايديهم و ارجلهم.

تزوج ماتيلدا Matilda بنت الكونت بالدوين الخامس Count badwin V حوالى سنة 1052 و كانت إمرأه صغيره طولها حوالى 130 سم ، وهناك قصه بانها رفضت فى البدايه بالزواج منه فدخل بيتها ليل وقام بضربها حتي وافقت .

فى سنة 1061 ابتدا النورمان غزو سيسيليا و بسبب قلة عددهم استمرت عملية الغزو 30 سنه. فى 1066 وليام النورماندى هزم الملك الانجليزى هارولد جودوينسون Harold Godwinson فى معركة هاستينجس Battle of Hastings و اتنصب ملك على انجلترا و استقر فى انجلترا مع عساكره النورمان. فى سنة 1085 عمل احصائيه فى انجلترا لكي يجمع ضرائب من السكان و راح فرنسا و هاجم مدينة مانتى Mantes و حرقها بالكامل و يقال ان حصانه فزع من المنظر فظل يقفز به حتي جرح ويليام فى بطنه و كان رجل بدين فمرض و مات بعدها بخمس اسابيع.

توفى ويليام الاولانى ملك انجلترا بعد ماقام بتسليم تاجه و سيفه لإبنه ويليام روفوس William Rufus المعروف بـ ويليام التانى William II. اتنقل جثمانه لمدينة كان Caen لكي يدفن فى كاتدرائيه كان بناها هناك ، لكن وقت جنازته قامت حريقه فى المدينه فاترك المعزيين جثمانه وقدموا المساعده فى اطفاء الحريق ، و بعد ماالحريق اخمد نقلوه على الكاتدرائيه لكن رجل قال لهم ان الارض اللتى يريدون دفن ويليام فيها ملكه و ولكي يدفنوهللازم عليهم دفع مبلغ من المال. ولان ويليام كان بدين و ضخم كان صعب وضعه فى تابوت.

فى سنة 1522 فتحت الكنيسه الكاتوليكيه قبره لكي يتأكدو انه موجود به ، و فى سنة 1562 هاجم البروتيستانت الكاتدرائيه و فتحو القبر و اخدو العضم و رموه و لم يتبقي غير ضلع اتدفن فى المكان و وضع فوقه نصب تذكارى ، لكن فى سنة 1792 دمر ثوار الثوره الفرنساويه النصب و مالم يبقي على القبر شئ غير صخره و مش معروف اذا كان الضلع بقي مدفون تحتها و لا لاء.