هيكسوس

الهيكسوس Hyksos ( من المصرى القديم: حيقا خاسيويت يعنى الحكام الاجانب و ساعات بيترجم الملوك الرعاه) كانو خليط من شعوب اسيويه ساميه احتلت المنطقه الشرقيه من دلتا النيل ايام الاسره المصريه الاتناشر و ابتدو بكدا عصر الاضمحلال التانى اللى استمر من سقوط المملكه الوسطانيه لحد قيام المملكه الحديثه. غزو الهيكسوس لمصر ماحصلش مره واحده لانهم ابتدو يهاجرو على فترات من بلادهم الصحراويه لدلتا النيل و عملو مستوطنات فى القرن التمانتاشر قبل الميلاد.امتدت سيطرة الرعاه الهيكسوس على شمال مصر شويه شويه لحد ما حكموها بالكامل و اتوسعو فى وادى النيل لحد ما صول حكمهم لحد مدينة (Cusae). احتل الهكسوس مدينة اواريس فى الدلتا حوالى سنة 1720 قبل الميلاد و عبدوا الاله ست ، و حوالى سنة 1674 ممفيس وقعت فى ايدهم.

 هيكسوس
 
الارض و السكان
الحكم
التأسيس والسيادة
صوره بتبين الفرعون المصرى احموس الاول و هو بيلحق الهزيمه بالهيكسوس.

الهيكسوس كانو اول شعب اجنبى يحتل مصر و من اسباب تفوقهم استخدامهم للعربيات الحربيه المجروره بالاحصنه و كمان لتكتيكاتهم العسكريه الى كانت جديده على المصريين زى اهتمامهم بالمحاور امدح المعارك الحربيه و تحصيناتهم القويه للمدن بتاعتهم.

المقاومه المصريه ابتدت من مدينة طيبه فى جنوب مصر و قادها الملك سقنن رع اللى استشهد فى المعارك و كملها من بعده ولاده الاتنين كاموسى اللى مات شهيد و احموس الاول اللى قدر ينهى 108 سنه من حكم الهيكسوس و ابتدا الاسره التمانتاشر و الممكله الحديثه و نقل العاصمه لطيبه. بعد ما طرد المصريين الهكسوس من مصر حوالى سنة 1567 ق.م [1] طاردوهم و حاصروهم تلت سنين فى " شاروهين " جنب العريش فى سينا لغاية ما طردوهم بره حدود مصر الشرقيه فى منطقة فلسطين اللى بيعتقد انها كانت المكان اللى جم منه.[2][3]

اصل الهيكسوس

الاصل الجنسي للهكسوس لسه بتمثل مشكله مستنيه الحل بس الراي المقبول هو ان هجره الهيكسوس لمصر كانت ليها صله بتحركات شعوبيه كبيره هجرت علي مرات من وسط اسيا تحت ضغط ظروف طبيعيه او بشريه منعرفهاش من اوائل التانى ق.م, بعد كده راحت علي فترات متقطعه لشرق اوروبا من نحيه وللاناضول واراضي الهلال الخصيب من نحيه تانيه.واختلفت رسايل تحركتها ونتايج هجرتها من وقت لوقت ومن ارض لارض.كمان الاسماءاختلفت اللى التاريخ عرفها بيه وده بسبب الظروف اللى ظهرت علي مسرح الحوادث فيها, واختلاف الاسماء اللى عبر بيها اهلها عن نفسهم, اواهل البلاد اللى دخلوها عبروا عنهم بيها .وبكده المؤرخين عرفوهم باسم عام وهوا اسم الاربين او الهندورايين, ومصادر بلاد النهرين عرفتهم باسم الكاسيين او الكاشيين, ومصادر اسيا الصغري عرفتهم باسم الخاتيين وبعد كده (الحيثيين), وشواطئ الفرات العليا والمناطق السوريه الشماليه الشرقيه باسم الحوريين او الخوريين, والمصادر الاغريقيه عرفتهم باسم الاخيين, والمصادر المصريه عرفتهم باسم حقاوخاسوت اللى اتحرف للهيكسوس.وجمعوا بين عادات المهاجرين للشرق من دول ومن دول انهم عملوا فى اول حكمهم امارات متفرقه, فى عواصمها معسكرات كبيره متحاطه باسلاك واسوار لبنيه سميكه.عاليه وبيلمسها خندق عميق وكانوا زي ما كان بيتقال انهم بيضحوا بجحش فى حفل سورهم ويدفنوا طفل تحت السور , وبيدفنوا خيولهم فى مدافن خاصه او بيدفنوها مع اصحابها كاعتزاز بيها. ووصلت الهجرات الاريه لاعالي سوريا فى خلال القرن ال 19 او اوائل القرن ال 18 ق م تقريبا, بعد كده اتسربت لجنوبها, والامارات السوريه الكتيره اتهزت تحت ضغطها,و التحركات الكتيره ابتدت حركتها فى مجموعات الاموريين فى الشام, وبعض جماعتهم ابتدت تروح نحيه الجنوب والشرق تحت ضغط المهاجرين واتاثرت مصر بالتحركات دي فعلا فى عصر اسرتها التلاتشر وكهنتها ابتدوا ينزلوا عليهم اللعنات.ولما جماعات المهاجرين قربوا من الحدود المصريه الشماليه الشرقيه, كانو خليط من الكسبانين والخسرانيين, بمعني تاني كانو خليط من جماعت اريه غازيه الظروف اضرتها تروح جنوب الشام, ومن جماعات اموريه هربانه مقدرتش تحافظ علي ارضها فى سهول الشام وبواديها, ودول ودول مدخلوش ارض مصر مره واحده دول انتشروا قريب من حدودها وحوالين طرق تجارتها البريه اللى رايحه بلاد الشام.وشويه منهم اتسللوا لمراعي شرق الدلتا فى جماعات متفرقه خلال اوقات الاضطراب الجواني اللى انتهت بيه ايام الدوله الوسطي, وكان دول خصوصا من الامويين, وعشان كانو عارفين قبل كده طرق الصحراء الشماليه الشرقيه وكمان اتصالهم باهل مصر كان دخولهم سهل لمصر, والاثار احتفظت باساميهم اللى بتتميز بالشكل السامي باسماء عبد وقراءته اللى هيا عنات هار … وبقيه جماعات المهجرين الكتيره بالرؤسا بتوعم اللى اصلهم اري استمروا فتره ورا الحدود المصريه.ومش عن راي مظبوط عن الظروف اللى خلتها تخترق الحدود المصريه بقوه للمره الاخيره, بس فى احتمال انها عملت كده فى اوائل القرن السابعتاشر ق.م كرد فعل اخير لضغط راي جديد راح قدامه الجماعات اللى سبقته فى الهجره من اول شمال سوريا لجنوبها" واغلب الظن ضغط الحوريين.

فهرست وملحوظات
  1. Toynbee ، p.96
  2. الموسوعة الثقافية، 2/34
  3. Toynbee ، p.95

مراجع و مصادر
  • Toynbee, Arnold J. , Mankind and Mother Earth, Oxford University Press, 1976 ارنولد توينبى
  • The New Encyclopædia Britannica, Macropædia, H.H. Berton Publisher,1973-1974
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.