هيراكليتوس

اتشهرت فلسفة هيراكليتوس بالغموض و اتسمى "الفيلسوف الغامض" و اتعرف الاسم دا فى عصور اليونانيه والرومانيه و لحد دلوقتى. ودا عشان دايما بيقول كلام مجازى و فيه رموز و صعب تعرف هو قصده ايه بالضبط. سماه تيمون الفليوسى " صاحب الألغاز.

هيراكليتوس لـ Johannes Moreelse

كان اول من قال باللوجوس

قال كمان ان الانسجام هو دايما نتيجه المتقابلات وعشان كدا الحقيقه الاساسيه فى العالم الطبيعى هى الكفاخ و ان كل شىء فى حركة مستمرة وتغير. كان لهيراتكليتوس مبدأ اول بينقسم لتلات اجزاء وهما

• ان كل حاجة معموله من متقابلات و عشان كدا خاضع للتوتر الداخلى
• المتقابلات دى فى حالة هوية مع بعض, يعنى انهما واحدا فى الاساس
• الحرب هى القوة المهيمنه و الخلاقه و الحالة السليمة

المبدأ التانى : "ان كل شيء فى سيلان دائم: παυτα ρξι <payta rxi> و عبر عنه " انك متقدرش تنزل نفس النهر مرتين" بعدا كدا ضاف ليه فلوطرخس و هوا بيحاول يشرح المبدا التانى" عشان فيه مياه جديده بتتدفق فيه ديما".

المبدأ التالت: شرحه بقوله "ان نظام العالم واحد للكل , محدش عمله لا واحد من الألهه ولا من الناس , بس هو دايما موجود وحيفضل موجود على طول, العالم نار حية دائمة البقاء , اتولعت مقاييس و حتطفى بمقاييس" و شرح بعد كدا الائرسى الكلام دا بقوله " ان الكون اتخلق من نار وحينتهى من جديد من نار فى عصور ورا بعد على التبادل لحد الاخر.".