هدى شمس الدين
هدى شمس الدين (27 يناير 1925 - 1 يناير 2002) رقاصة وممثله مصريه مشهوره ، اسمها الحقيقى أليس من أصل أرميني ، والتحقت بالمدرسة الأرمينية اللي زرعت بداخلها حبها للفن والتمثيل، وارادت بعد تخرجها ان تشترك بفرقة بديعه مصابنى كراقصة، ثم فرقة فؤاد الجزايرلى , اللي قام بتقديمها للسينما لأول مرة سنة 1945، ثم دور ثانوي في فيلم من إخراجه هوه "الحظ السعيد" مع حسين صدقى ونجاة على .
| ||||
|---|---|---|---|---|
 | ||||
| معلومات شخصيه | ||||
| الميلاد | سنة 1925 (العمر 97–98 سنة) | |||
| مواطنه |  | |||
| الحياه العمليه | ||||
| المهنه | ممثله | |||
و اشتركت هدى بالرقص أو التمثيل في عدة أفلام مثل "عدو المجتمع" سنة 1947 مع عقيله راتب ومحمود المليجى، ومن بعده "الأب" في نفس السنه مع زكى رستم وعلويه جميل، و في سنة 1952 بفيلم كوميدي زاد من رصيد هدى عند الجمهور خاصة وأنه مع توأم الكوميديا وقتها اسماعيل ياسين والياس مؤدب وهو فيلم "حلال عليك" .
و حصلت هدى لأول مرة على البطولة المطلقة مع المطرب محمد أمين، واللي تزوجته بعدها، في فيلم "عشرة بلدي" وقامت فيه بدور الراقصة المشهورة باسمها الحقيقي ، والفيلم ده كان خير إعلان ليها كراقصة في الأساس ليكون ذلك أطول إعلان تشهده مصر، ثم بطولة سنة 1953 مع كمال الشناوى في "بيني وبينك" ، وبعدها بطولة ثنائية مع المطربة اللبنانية نزهة يونس في "من رضي بقليله" سنة 1955.
شهد التاريخ الفني للراقصة المصرية مراحل هبوط بعدها، و عادت للأدوار الثانوية في "تار بايت" مع سعاد مكاوى وكارم محمود، "صاحب الجلاله" مع فريد شوقى وسميره احمد، وكان آخر أفلامها سنة 1965 مع احمد رمزى ومحمد عوض.
ملخص
- درست فى المدرسة الارمينية
- اشتغلت فى السينما و كانت بطلة فى شوية افلام
- اكتشفها نيازى مصطفى
- انضمت لفرقة بديعه مصابنى
- اتجوزت المطرب محمد امين
فيلموجرافيا
- اخر جنان (1965)
- صاحب الجلالة (1963)
- شهيدة الحب الإلهى (1962)
- اسماعيل يس فى السجن (1961)
- الضوء الخافت (1961)
- فطومة (1961)
- العتبة الخضراء (1959)
- قلوب حائرة (1956)
- تار بايت (1955)
- كابتن مصر (1955)
- المقدر والمكتوب (1953)
- مجلس الإدارة (1953)
- حلال عليك (1952)
- عشرة بلدى (1952)
- مكتب الغرام (1950)
- بنت العمدة (1949)
- نص الليل (1949)
- مبروك عليكى (1949)
- فتنة (1948)
- الاب (1947)
- الحظ السعيد (1945)