نجوى سالم
نجوى سالم (17 نوفمبر 1925 - 12 مارس 1988), اسمها الاصلى نينات شالوم, كانت ممثله مصريه. ابتدت حياتها فى المسرح مع فرقة نجيب الريحانى و من اشهر الادوار اللى عملتها دور بنت كوهين فى مسرحية حسن و مرقص و كوهين بالاضافه لاكتر من فيلم ناجح. نجوى سالم كانت من اصل يهودى و ابوها لبنانى و امها اسبانيه يهوديه و بعدين اعلنت اسلامها سنة 1960 بعد ما اليهود مشيوا من مصر و اتجوزت الناقد الصحفى عبد الفتاح البارودى و كرمها الرئيس انور السادات و اداها شهادة تقدير و امر بصرف معاش استثنائى ليها لحد ما ماتت سنة 1988 و حسب وصيتها اتدفنت فى القاهره فى حى البساتين. نجوى سالم هيه الفنانه المصريه الوحيده اللى خدت درع " الجهاد المقدس " على دورها الوطنى فى حرب الاستنزاف، وتعتبر هيه الفنانة الوحيدة اللى حضرت جنازة الفنان عبد الفتاح القصرى فى 6 مارس 1964.
| ||||
|---|---|---|---|---|
 | ||||
| معلومات شخصيه | ||||
| الميلاد | 17 نوفمبر 1925 | |||
| تاريخ الوفاة | 12 مارس 1988 (63 سنة) | |||
| مواطنه |  | |||
| الحياه العمليه | ||||
| المهنه | ممثله | |||
| اللغات المحكيه او المكتوبه | عربى | |||
| اعمال بارزه | حسن ومرقص وكوهين ، وصديقي اللص | |||
| المواقع | ||||
| IMDB | صفحتها على IMDB | |||
| السينما.كوم | صفحتها على السينما.كوم | |||
فيلموجرافيا
- حاجه تلخبط [مسرحية] (1970)
- القبلة الاخيرة (1967)
- ذات البيجامة الحمراء [مسرحية] (1967)
- لوكاندة الفردوس مسرحية 1964
- الا خمسة [مسرحية] (1963) .... زوهرة
- حياة عازب (1963)
- ملك البترول (1962)
- الأزواج والصيف (1961)
- اسماعيل يس فى دمشق (1958)
- ناهد (1952)
- فايق ورايق (1951)
- الروح والجسد (1948)
- حسن ومرقص وكوهين [ب] [مسرحية] (1945) .... سمحة
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.