نبيله قنديل

نبيله قنديل أو سعاد وجدى (توفت 14 يناير 1988) هى شاعره مصريه ومونولوجيست، اشتهرت بكتابة الأغانى الفولكلوريه و الوطنيه ، وشكلت ثنائى فنى عظيم مع جوزها الموسيقار الراحل على اسماعيل.[1]

 نبيله قنديل
معلومات شخصيه
تاريخ الوفاة 14 يناير 1988
الجنسيه  مصر
اللغه الام مصرى
اللغات المحكيه او المكتوبه مصرى

مسيرتها الفنيه

ابتدت الشاعره نبيله قنديل مسيرتها الفنيه مونولوجيست فى الأربعينيات من القرن العشرين باسم سعاد وجدى ، و قدمت عدد من الأعمال الناجحه زى «ذهب مع الريح» و«خير البر» و«ماله يا ناس» و«قلبى طب» و«كنا وكانو » و«من أين لك ده» و«بُريه من الناس» و«اسأل نفسك»، و تعاونت مع الملحن على إسماعيل، والشاعر إبراهيم كامل رفعت، وابو السعود الابيارى، وإبراهيم عاكف.[2] و كانت اتجوزت من الفنان اسماعيل ياسين لفترة قصيرة لاكن انفصلت عنه، وتركت العمل بمجال المونولوج، وغيرت اسمها لنبيله قنديل و بقت تكتب أشعار غنائيه.[3]

كتبت نبيله قنديل عدد كبير من الأغانى الوطنية الباقية فى ذاكرة الجماهير زى "رايحين شايلين فى ايدنا سلاح" و"دع سمائى"، و"ام البطل"، و"رايات النصر"، علاوة علا كتابة أغنيات فولكلوريه اللى غنوها الثلاثى المرح كخلفية لرقصات شعبيه بتاعة فرقة رضا للفنون الشعبيه زى: "حلاوة شمسنا" و"يللا عندنا رحله". كمان كتبت الشاعره الراحله كتير من الأغنيات لفنانين و فنانات كبار زى شاديه "رايحه فين يا عروسه"، ومحمد فوزى "يا طالع الشجره"، وفايزه احمد "ابو عيالى"، ومحمد العزبى "حتشبسوت"، و بالطبع الأغنيه الأشهر فى فيلم "الأرض" ل يوسف شاهين «الارض لو عطشانه".[1] كما أنها صاحبة الأغنيه الشعبيه المشهوره "الطشت قالى".[4]

كمان قدمت نبيله قنديل أشهر أغانى شهر رمضان بالتعاون مع جوزها على إسماعيل، زى «اهو جه يا ولاد» من ألحان جوزها الملحن على إسماعيل، و أغنية «هاتوا الفوانيس يا ولاد» من تلحين و غنا الفنان الكبير محمد فوزي، وأغنية «افرحوا يا بنات» من ألحان على إسماعيل وغناء الثلاثي المرح.[5]

حياتها الشخصيه

اتجوزت نبيلة قنديل من الملحن على إسماعيل و خلفت منه شجون على إسماعيل و مصطفى على اسماعيل و حسين على اسماعيل.

وفاتها

توفت الشاعره نبيله قنديل فى 14 يناير سنة 1988.

مصادر
  1. {{cite web}}: Empty citation (help)
  2. {{cite web}}: Empty citation (help)
  3. {{cite web}}: Empty citation (help)
  4. {{cite web}}: Empty citation (help)
  5. {{cite web}}: Empty citation (help)
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.