نبيت

النبيت هو نوع من انواع المشروبات الكحوليه و ساعات بيتقال عليه كمان خمره. النبيت بيتعمل من عصير العنب المتخمر. عصير العنب ليه تركيب كيمياوي معين بيخليه يتخمر لوحده من غير ما يتحط له او سكر او انزيمات او احماض.

 نبيت
 
اللون احمر
بمبى
ابيض
برتقالى  
المواد عنب
خميره  
ينتجها تخمر  
الاستعمال كحول الطبخ
شراب  
كاس نبيت احمر و ابيض
طريق النبيذ فى الأرجنتين

الانواع

النبيت 5انواع فى منه نوعين اساسيين: النبيت الابيض و النبيت الاحمر. النبيت الوردي (Rosé) بيتعمل هوه كمان من العنب الاحمر بس الطريقه مختلفه شويه: اللون الاحمر بتاع النبيت بييجي من قشرة العنبايه ف لو اتساب القشر لمدة طويله النتيجه ح تكون نبيت احمر اما اذا اتعصر العنب و اتفصلت القشره بسرعه (حولي 3 ايام) ف دا ح يدي فى الاخر النبيت الوردي. النبيت ساعات كمان بيكون متضاف له بقاليل غازيه و دا بيتقال عليه نبيت فوار و من اشهر و اغلى انواع النبيت الفوار الشامبانيا.

التاريخ

النبيت من اقدم المشاريب اللى الانسان ابتدا يشربها من عصور قبل التاريخ و من المحتمل انه يكون اخترعوه فى منطقه ع الحدود بين ايران و جورجيا من حوالي 8,000 سنه و فى اثار ليه فى المقابر المصريه القديمه زي مقبرة توت عنخ امون و فى مناطق تانيه كتيره من العالم القديم.

الاديان

النبيت بيستعمل فى تأدية بعض الصلوات المسيحيه(سر التناول) و اليهوديه (الكيدوش)

الصحه

النبيت فيه نسبة كحول متوسطة و شربه بكميات كبيره ليه اثاره السلبيه على الصحه بشكل عام زيه زي بقيت المشروبات اللى فيها كحول. فى دراسات اتعملت فى امريكا و لقت ان شرب النبيت بشكل معقول بيقلل نسبةاصابة الانسان بامراض القلب و الشرايين و خصوصا فشل القلب.[1]

الانتاج

النبيت بتنتجه و بتصدره دول كتير فى العالم و اهمها فرنسا و ايطاليا و امريكا و اليونان.

النبيت المصرى

مصر بتنتج فى السنه نص مليون جالون من النبيت (تقريبا قد اللى بتنتجه انجلترا)[2] النبيت المصري بيتعمل فى شركة جناكليس فى اسكندريه و من اهم الانواع اللى بينتجوها:

  • نبيت البطالسه
  • نبيت عمر الخيام
  • نبيت جراند ماركيز
  • نبيت روبي دو ايجيبت.

مصادر
  1. Matthew Lindberg, Alcohol, Wine and cardiovascular Health, journal= Clinical Cardiology, volume=31
  2. Oxford Companion to Wine
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.