مهرجان القاهره السينمائى

مهرجان القاهره السينمائى الدولى , مهرجان دولى للافلام بيتعمل كل سنه فى القاهره عاصمه مصر.

Cairo International Film Festival مهرجان القاهرة السينمائي الدولي
منظمه
(بالعربى: مهرجان القاهرة السينمائي الدولي)
المكان	القاهره
البلد	مصر
تاريخ التأسيس	1976
الرئيس	محمد حفظى
الجوايز
Golden Pyramid Award, Silver Pyramid, Bronze Pyramid, Naguib Mahfouz Award, Henry Barakat Award, Faten Hamama Award
الموقع الرسمى	www.ciff.org.eg
الاحداثيات	30.042351790375°N 31.223667981438°E / 30.042351790375; 31.223667981438

القاهره هى عاصمه الشرق الاوسط السينمائيه و اول مدينه فى شرق و جنوب البحر المتوسط تنتج افلام روائيه و مفيش حته زيها فى كل الشرق الاوسط فيها اعداد كبيره من الممثلين و المخرجين و المصورين و المؤلفين و فى كل مجال بيختص بالانتاج السينمائى.

اول مهرجان للافلام باسم " مهرجان القاهره السينمائى الدولى اتعمل فى القاهره فى اغسطس 1976 بجهد من الجمعيه المصريه للكتاب و النقاد السينمائيين اللى كان بيراسها وقتها الصحفى متعدد المواهب كمال الملاخ. من سنه 1985 اتولى مسؤوليه التنظيم سعد الدين وهبه بعد ما اتشكلت لجنه منظمه بتتكون من وزاره الثقافه المصريه و اتحاد نقابات الفنانيين المصريين و اخد المؤتمر شكل عالمى. الممثل حسين فهمى بقى المشرف على المهرجان من سنه 1998 لغايه 2001 , و شريف الشوباشى من 2002 لغايه 2005. الايام دى رئيس المهرجان هو عزت ابو عوف و الممثل المصرى الكبير عمر الشريف رئيس شرفى.

مهرجان القاهره الدولى بيحتل مكانه متقدمه بين كل المهرجانات السينمائيه العالميه و بتشارك فيه بلاد كتيره من كل انحاء العالم , و بيدى جوايز فى مجالات الانتاج السينمائى زى جايزه الهرم الدهبى لاحسن فيلم و جايزه تمثال الاميره المصريه باكت اتون لاحسن ممثله و تمثال الوزير ايمنحتب لاحسن ممثل. جايزه احسن مخرج على هيئه فرعون مصر اخناتون و احسن سيناريست بياخد تمثال الكاتب المصرى. لجنه التحكيم بتمنح كمان جوايز منفرده زى تمثال الهرم الفضى لاحسن فيلم و تمثال لاديب مصر الكبير نجيب محفوظ لاحسن مخرج.

المهرجان كمان بيكرم اللى بيشتغلو فى السينما زى الممثلين و المخرجين اللى كانت ليهم بصمه مميزه فى تاريخ السينما سواء فى مصر او بره مصر.