مصطفى محمود
مصطفى محمود (27 ديسمبر 1921 - 31 أكتوبر 2009)، فيلسوف و دكتور و كاتب مصرى.
مصطفي محمود | |
|---|---|
| Born | مصطفى كمال محمود حسين آل محفوظ 25 ديسمبر 1921 |
| Died | 31 اكتوبر 2009 (العمر 87) |
| Nationality | مصري |
| Occupation(s) | دكتور مصري, أديب, كاتب |
| Known for | المثقف المصري |
مصطفى كمال محمود حسين آل محفوظ، من الأشراف و بينتهى نسبة لعلي زين العابدين. ابوه مات سنة 1939 بعد سنوات من الشلل، درس طب و اتخرج سنة 1953 و اتخصَص في الأمراض الصدرية، اتفرغ للكتابة و البحث سنة 1960. و اتجوز سنة 1961 و انتهى الزواج بالطلاق سنة 1973. خلف ولدين اسمهم "أمل" و"أدهم". واتجوز مرة تانية سنة :1983 من السيدة زينب حمدي وانتهى الجواز ده برده بالطلاق سنة 1987.
ألف 89 كتاب منهم الكتب العلمية والدينية و الفلسفية و الاجتماعية و السياسية بالاضافة للحكايات و المسرحيات وقصص الرحلات، وكان بيتميز أسلوبه بالجاذبية مع العمق والبساطة.
قدم الدكتور مصطفى محمود 400 حلقة من برنامجه التلفزيوني المشهور (العلم والايمان)، وبني سنة 1979 مسجده في القاهرة المعروف بـ "مسجد مصطفى محمود". و 3 مراكز تابعه ليه كانت بتهتم بعلاج اصحاب الدخل المحدود وكان بيروحها كتير من الناس بسبب سمعتها الكويسة، و عمل قوافل للرحمة من 16 دكتور، ويضم المركز 4 مراصد فلكية، و متحف للجيولوجيا، و كان اللي ماسكينه أساتذة متخصصين و بيضم المتحف مجموعة من الصخور الجرانيتية، و الفراشات المحنطة بأشكالها المختلفة و الكائنات البحرية، والاسم الاصلى للمسجد هو "محمود" وسماه باسم والده.