مصر تحت الاحتلال البريطانى
مقاله محتاجه توضيب و تنسيق وتحسين و مصادر
الظروف اللى خلت البريطانيين يحتلو مصر
- الثوره العرابيه بقيادة احمد عرابى سنة 1881 و أحداث عابدين و طلب الخديوى توفيق مساعده من البريطانيين علشان يغلب عرابى.
- كان يوجد فى مصرالكثير من الجنسيات الاجنبية و بالذات ايام محمد على اللى جاب ناس عندهم خبره من كل الجنسيات عشان مصر تستفيد بخبراتهم فى كل المجالات فمن وقت محمد على كترو الاجانب فى مصر جدا و كان منهم و فيهم ناس استقرت فى مصر و كان مصر فيها جاليات كبيره من جنسيات كتير.
- فى عهد الخديوى اسماعيل زادت علاقة الاوروبيين بمصر لان خد كتير من اسلوب جده محمد على فى انه يطور بلده مصر و فى مشروع قناة السويس اللى كان عباره عن شركه مساهمه مصر (صاحبة الارض واللى هتقدم النسبه الكبيره من العمال اللى هيشتغلو (اربع اخماس العمال) و بين فرنسا (صاحبة المشروع او الفكره و اللى هتقدم المكينات بتاعة الحفر وخمس العمال اللى هيحفرو), فشركة قناة السويس بدأت مصريه فرنساويه لكن بعد الازمه الاقتصاديه اللى حصلت فى مصر ايام الخديوى اسماعيل كان من اهم اسبابها استدانة الخديوى و دخول مشاريع كبيره و كتيره و تطوير فى مجالات كتير فى وقت واحد فاضطرت مصر انها تعرض شويه من الاسهم بتوعها فى شركة قناة السويس للبيع فصممت بريطانيا جدا انها تشترى الاسهم اللى مصر هتبيعها لان المكان بتاع قناة السويس من اهم الاماكن الاستراتيجيه فى العالم لان بريطانيا ليها مناطق كتير فى جنوب و جنوب شرق اسيا تبع التاج البريطانى و قناة السويس هيا اسهل و اءمن و اقرب الطرق عشان بريطانيا توصل للاماكن اللى تبع التاج البريطانى فى جنوب و جنوب شرق اسيا, فمن وقت لما بريطانيا اشترت الاسهم اللى مصر باعتها بقت هيا كمان ليها اسهم بتديها حق فى شركة قناة السويس (حق انتفاع) السويس لحد سنة 1958 و بعدها تبقى شركة قناة السويس شركه مصريه. لما قامت الثوره العرابيه و استعان الخديوى بالإنجليز انتهزت بريطانيا الفرصه و دخلت مصر بحجة إن ليها حق فى شركة قناة السويس و فى حمايه مواطنيها
يوم 11 يوليه سنة 1882 دكت مراكب الانجليز اسكندريه و نزل جيشهم على بر مصر و اتصدى ليهم احمد عرابى و قامت معركة التل الكبير اللى انهزم فيها عرابى و دخل الانجليز القاهره يوم 15 سبتمبر 1882 و بدأ إحتلال الانجليز لمصر اللى دام لغاية النص التانى من القرن العشرين .
وجود قواعد انجليزيه و الحرب العالميه الأولى
مع بداية الحرب العالميه الاولى و اللى كانت وقتها بتتسمى الحرب العظمى و اللى كانت بين الحلفا و اللى منهم بريطانيا و بين المحور و اللى كان منهم الدوله العثمانيه و اللى كانت تحكم مصر من ايام سليم الاول ( 1517 ) خلعت بريطانيا الخديوى عباس حلمى التانى فى 19 ديسمبر 1914 بسبب مناهضتة للإحتلال البريطانى و حل محله عمه السلطان حسين كامل و اعلنت بريطانيا الحمايه على مصر فى ديسمبر 1914 ، و فضلت فى مصر قواعد عسكريه انجليزيه طول فترة الحرب العالميه الأولى لكن بعدما انتهت الحرب و انهزمت الامبراطوريه العثمانيه و استقلال مصر عن الامبراطوريه العثمانيه و استقلال مصر الاسمى تحت الإحتلال البريطانى بموجب تصريح 28 فبراير 1922 اتعمل دستورها الخاص سنة 1923 اللى اتعرف بإسم دستور 1923 اللى كان من نتايج ثورة .