محمود مختار

محمود مختار (طنباره، جنب المحله الكبرى، 10 مايو 1891 - القاهرة، 28 مارس 1934) نحات مصر الكبير فى العصر الحديث. من عظماء الفنانيين المصريين اللى افرزتهم ثورة 1919. نحات تمثال نهضة مصر اللى بيعبر عن روح مصر الجديده بعد ثورة 1919.

 محمود مختار
 
معلومات شخصيه
تاريخ الميلاد 10 مايو 1891 [1][2][3][4] 
الوفاة 28 مارس 1934 (43 سنة) 


القاهره  

مواطنه
مصر  
الحياه العمليه
المهنه نحات [5] 
اللغات المحكيه او المكتوبه عربى [6] 
مجال العمل نحت  
عروسة النيل 1928

اتولد محمود مختار فى قرية طنباره جنب المحله الكبرى، و أبوه ابراهيم العيسوى كان عمدة القريه لكن مختار راح عاش مع جدته لأمه فى بيت خاله فى قرية نشا فى المنصوره. اتعرف عنه انه و هو لسه طفل صغير كان بيقضى معظم وقته جنب الترعه يشكل فى الطين مناظر من اللى بيشوفها حواليه فى القريه.

مختار كان اول طالب يلتحق بمدرسة الفنون الجميله اللى فتحها الامير يوسف كمال من فلوسه سنة 1908، و فى سنة 1911 سافر مختار على باريس، و اعجب "جيوم لا بلانى" بموهبته و تميزه الفنى، فدخل مختار مدرسة الفنون الجميله الفرنساويه (Ecole des Beaux Arts)، و اتفوق على كل زمايله، فعينوه مدير لمتحف جريفين فى حى مونماتر و دى كانت اول مره حد من الشرق الأوسط يتعين فى المنصب الفنى ده فى فرنسا.

تمثال نهضة مصر
تمثال نهضة مصر
تمثال سعد زغلول فى اسكندريه

تمثال نهضة مصر المعروض فى ميدان قدام جامعة القاهرة فى الجيزه بيعتبر اشهر اعمال محمود مختار. فكرة التمثال ده خطرت على بال مختار و هو فى باريس ، و كان من وحى ثورة 1919 ، و لما سافر الوفد المصرى برياسة سعد زغلول على فرنسا عشان يعرض قضية إستقلال مصر عن انجلترا، قابل الوفد مختار و اتحمس سعد زغلول بفكرة التمثال و طلب جمع تبرعات فى مصر لعمل التمثال و عرضه فى اكبر ميادين مصر. لما رجع مختار مصر نشطت حركة الإكتتاب و فى يوم 25 يونيه 1921 اتوافق على حط التمثال فى ميدان باب الحديد (ميدان رمسيي دلوقتى) و انزاحت عنه الستاره يوم 20 مايو سنة 1928.

اعماله و مكانته

بتعتبر اعمال محمود مختار امتداد للفن المصرى القديم. إتأثر بأساليب النحت الحديثه و البيئه المصريه. جمع فى فنه ما بين البساطه و الرقه و قوة التكوين الفنى. كان اول فنان مصرى يتقام له معرض خاص فى پاريس (1930). و اقتنت فرنسا تمثاله البديع "عروس النيل" المعروض فى متحف جودى پوم فى پاريس. و "تمثال نهضة مصر"، و "تمثال سعد زغلول" اللى بيتوسط ميدان سعد زغلول فى اسكندريه. لمحمود مختار فى منطقة الجزيرة فى القاهرة متحف بإسمه معروضه فيه اعماله القيمه.

اعمال مختار كانت اول اعمال فنيه مصريه حديثه تتعرض فى اوروبا، و شهرته وصلت أوروبا قبل أى فنان او اديب مصرى و اتكلمت عن موهبته الفذه الجرانيل و المجلات، فى فتره كانت مصر بتحاول تثبت فيها هويتها الخاصه و قدرتها على النهوض و التقدم و التحرر.

أهم اعماله
ماسم التمثالتاريخ العمل
1نهضة مصر1920
2ابن البلدمش معروف
3الحزنمش معروف
4بنت الشلالمش معروف
5مرات شيخ البلدمش معروف
6سعد زغلول1930
7حارس الحقولمش معروف
8حاملات الجرارمش معروف
9الفلاحةمش معروف
10نحو نهر النيلمش معروف
11رياح الخماسينمش معروف
12كاتمة الاسرارمش معروف

وفاته و متحفه

إتوفى محمود مختار بعد ما رجع من اوروبا، و لإنه ماكانش من أنصار الحكومه أياميها اتجاهلت الحكومه رجوعه لمصر و وفاته.

فى سنة 1962 اتفتح متحف فى القاهره خاص باعمال محمود مختار و سط حدايق الجزيره كتكريم لفنه، و بيعتبر النحات الوحيد فى مصر اللى ليه متحف خاص بيه.

قال عنه المفكر المصرى طه حسين:

كان فى حياته مرآة صادقة كل الصدق لنفس مصر الخالدة التى لا تحد و لا تحصر

[7]

من إبداعاته التانيه:

  • إيزيس
  • الخماسين
  • كاتمة الأسرار
  • حاملة الجرة

فهرست وملحوظات
  1. معرف ديلارج: https://www.ledelarge.fr/30618_artiste_MOKHTAR_Mahmoudj — باسم: Mahmoud MOKHTAR — المؤلف: Jean-Pierre Delarge — الناشر: Gründ و Jean-Pierre Delarge — ISBN 978-2-7000-3055-6
  2. مُعرِّف المكتبة الوطنيَّة الفرنسيَّة (BnF): https://catalogue.bnf.fr/ark:/12148/cb146141068 — باسم: Maḥmūd Muẖtār — المؤلف: مكتبة فرنسا الوطنية — العنوان : اوپن ڈیٹا پلیٹ فارم — الرخصة: رخصة حرة
  3. باسم: Mahmud Mukhtar — العنوان : Mukhtar, Mahmud — نشر في: Grove Art Online — https://dx.doi.org/10.1093/GAO/9781884446054.ARTICLE.T060211
  4. معرف فنان في فنانو العام القاموس على الإنترنت: https://www.degruyter.com/document/database/AKL/entry/_00064489/html — باسم: Mahmoud Mukhtar — المحرر: أندرياس باير و بينيديكت سافوى — العنوان : Artists of the World Online — الناشر: K. G. Saur Verlag و والتر دي جروتر — https://dx.doi.org/10.1515/AKL
  5. مُعرِّف قائمة اتحاد أسماء الفنانين (ULAN): https://www.getty.edu/vow/ULANFullDisplay?find=&role=&nation=&subjectid=500124617 — تاريخ الاطلاع: 14 مايو 2019 — المخترع: معهد جيتي للبحوث — تاريخ النشر: 5 نوفمبر 2010
  6. Identifiants et Référentiels — تاريخ الاطلاع: 3 مايو 2020 — الناشر: وكالة الفهرسة للتعليم العالي
  7. طه حسين، 71

مصادر
  • حسن الرزاز، عواصم مصر، دار الشعب، القاهرة 1995
  • طه حسين: من لغو الصيف الى جد الشتاء، دار العلم للملايين، بيروت 1977
  • الموسوعة الثقافية ، مؤسسة فرانكلين للطباعة والنشر، القاهرة - نيو يورك

مواقع خارجيه ليها علاقه بالموضوع
This article is issued from Wikipedia. The text is licensed under Creative Commons - Attribution - Sharealike. Additional terms may apply for the media files.